Home nasional Koalia Situasaun Politika, PR Lu-Olo Rona Opiniaun Bispu 3

Koalia Situasaun Politika, PR Lu-Olo Rona Opiniaun Bispu 3

31
0
SHARE
Amu Bispi Dioseze Baucau D. Basilio do Nasimento ho Amu Bispu Dioseze Dili D. Virgilio do Carmo koalia ho Jornalista sira iha Palasiu Prezidensial Bairu Pite hafoin remata sorumutu ho Prezidente Republika (PR) Francisco Guterres Lu-Olo. Photo: TTN/Fidelio Ramos

By: Fidelio Ramos

THETIMOR-NEWS.com, DILIHare’e ba situasaun politika iha rai laran ne’ebe sei mosu diferensia ba prezensa VII Governu Konstitusional, Prezidenti Republika (PR), Francisco Guterres Lu-Olo konvida bispu nain 3 hodi husu sira nia opiniaun.

Amu bispu tolu ne’e mak Bispu Dioseze Dili, Dom Virgilio do Carmo, Dom Basilio do Nascimento (Baucau) no Dom Norberto Amaral (Maliana).

“Hau konvida sira mai atu fo hela hanoin ruma ba ita nia povu no sarani iha Timor laran, nune’e bele fo hanoin ba populasaun iha Timor-Leste ne’ebe mak dadauk  ne’e infrenta hela problema  situasaun politika,” dehan PR Lu-Olo ba jornalista sira, Sexta (10/11/2017), iha Palasiu Presidensial Aitarak Laran, Dili.

Amu Bispu Dioseze Baucau, Dom Basilio do Nascimento hatete, iha sorumutu ne’e PR-Lu-Olo hakarak rona duni opiniaun hosi parte uma kreda nian kona ba situasaun politika ne’ebe dadauk ne’e lao hela.

“Buat sira hansa ne’e babain hetan  iha uma kreda maibe ohin Prezidenti partila oitoan kona ba preokusaun  ne’ebe ohin loron nia koko, maibe nia mos hakarak rona duni hanoin husi ami nu’udar reprezentante uma kreda nian,” dehan Dom Basilio.

Dom Basilio hateten, bainhira entre lider sira kuandu halo ona dialogu husu povu no sarani doben ne’ebe namkari iha Timor-Leste hotu tenki hamrik hodi  basa liman maske lider sira to’os malu oitoan.

“Hanesan ema sarani tenki  iha esperansa bo’ot ba malu. Tanba ne’e lider historiku sira partisipa iha dialogou refere  hodi tau interese estadu as,” nia dehan.

Editór: Evangelisto SANTOS I COPYRIGHT © THETIMORNEWS 2017    

LEAVE A REPLY

Please enter your comment!
Please enter your name here