Home dezenvolvimentu Governu Planeia Rehabilita Aeroportu INL

Governu Planeia Rehabilita Aeroportu INL

33
0
SHARE
Aviaun Nam Air no Citilink ne'ebe durante ne'e halo operasaun Dili Bali para hela iha Aeroportu Internasional Nguah Rai Dempasar Bali. Dadaun ne'e governuTimor - Leste iha hanoin ona atu halo moderniza terminal internasional Nicolau Lobato sai hanesan ho ne'e. Photo: TTN/Evangelisto Santos

By: Hortencio SANCHES

THETIMOR-NEWS.com, DILI – Governu Timor-Leste dadauk ne’e planeia ona atu rehabilita Aeroportu Internasional Nicolau Lobato (INL) nudar odataman bo’ot ba transporte aero nian iha Timor-Leste.

Vise Ministru Obras Publiku no Telekomunikasaun, Inacio Moreira hatete, oras ne’e daudaun sira nia parte esforsu makas hodi dezenvolve transporte maritima terestre no aero sai diak liu tan iha Timor – Leste no oras ne’e daudaun iha ona planu atu konstrusaun terminal  Aeroportu INL ne’ebe agora daudaun tama ona ba faze aprovizionamentu.

“Transporte aero nian oras ne’e daudaun lao normal hela, aeroportu Dili (INL) mak agora halo hela  aprovizionamentu no estudu tekniku kona ba atu halo konstrusaun terminal iha Areoportu,” dehan Inacio Moreira ba Jornalista sira iha Hotel Timor, Sexta (10/11/2017).

Durante ne’e publiku kestiona fasilidade aeroporto INL ne’ebe do’ok hosi standar aeroporto internasional nian, inklui atendementu iha aeroportu laran ne’ebe sei manual no la professional.

Aeroportu INL dadauk ne’e halo atendementu ba transporte aero tantu internasional no domestika. Iha aviaun 3 ne’ebe durante ne’e halo viagem hosi Dili no Denpasar mak hanesan Citylink, Sriwijaya no NAM Air. La kleur tan aviaun Garuda Airline mos sei loke nia viagem hosi Kupang mai Dili. Alende ne’e, iha mos aviaun ne’ebe semo hosi Darwin (Australia) ne’ebe halao hosi Air North no hosi Singapura mai Dili ho Singapore Airlines.

Ba domestic rasik, iha Aviaun ZEEMS ne’ebe semo hosi Dili no Oecusse no, Dili-Suai.

Alende Aeroportu INL, dadauk ne’e mos iha ona aeroportu internasional seluk iha Suai, Munisipiu Covalima ho naran Aeroportu Internasional Kay Rala Xanana Gusmao no Aeroportu Internasional Lifau ne’ebe sei iha konstrusaun ba nia obra.

Editór: Evangelisto SANTOS I COPYRIGHT © TETIMORNEWS 2017   

LEAVE A REPLY

Please enter your comment!
Please enter your name here