Home ekonomia PNTL Husu Komersiante Labele Fan Fugeti Iha Tempu Natal

PNTL Husu Komersiante Labele Fan Fugeti Iha Tempu Natal

34
0
SHARE

By: Hortencio SANCHES

THETIMOR-NEWS.com, DILI – Polisia Nasional Timor – Leste (PNTL) liu husi segundu komandante Munisipiu Dili Superintendente Assistente, Euclides Belo husu ba komersiante hotu iha kapital Dili labele fan fugeti no paison iha tempu Natal atu nune’e bele halo kapital ne’e sai, sidade ida ne’ebe harmonia.

Segundu Komandante Munisipiu Dili, Superintendente Assistente Euclides Belo. Photo: TTN/Hortencio Sanches

“PNTL liu-liu komandu Munisipiu Dili husu ba komersiante sira hotu hanesan, Kioske no loja sira labele sosa no fan sasan hanesan fugeti no paison, husu mos ba komunidade sira atu kontrola oan sira labele suni fugeti no paison iha tempu Natal tanba sasan hirak ne’e providu tuir lei ne’ebe mak vigora ona iha ita nia rai doben Timor – Leste,” dehan Euclides ba Jornalista sira iha Komandu PNTL Caicoli Dili, Kinta (09/11/2017).

Tanba ne’e, autoridade PNTL munisipiu Dili husu ba komunidade hotu atu hetan ema ne’ebe mak fan no sosa sasan proividu hirak ne’e bele informa direitamente ba komandu PNTL ne’ebe mak besik ou bele liga direitamente ba numeru Telemovel komandu PNTL Munisipiu Dili nian 3311380.

Nia hatutan, bainhita komunidade sira la halo tuir informasaun ne’ebe mak komandu PNTL fo sai, mak sira nia parte sei foti medida tuir lei haruka.

Editóra: Agida DOS SANTOS I COPYRIHT © THETIMORNEWS 2017

LEAVE A REPLY

Please enter your comment!
Please enter your name here