Home dezenvolvimentu PM Alkatiri: OR Hodi Selu Obra Projetu

PM Alkatiri: OR Hodi Selu Obra Projetu

31
0
SHARE
Primeiru Ministro Dr. Mari Alkatiri. Photo: TTN/Hortencio Sanches

By: Fidelio RAMOS

THETIMOR-NEWS.com DILI – Primeiru Ministru (PM) Mari Alkatiri hasoru malu ho Prezidente Republika (PR) Francisco Guterres Lu-Olo hodi informa Orsamentu Ratifikativu (OR) ne’ebe hosi orsamentu ne’e sei selu mos obra projetu ne’ebe kaer hosi emprezariu sira hodi halo dezemvolvimentu iha nasaun ne’e.

Xefi governu ne’e esplika, OR haruka ona ba Parlamentu Nasional (PN) ho montante US$ 400 i tal Miloens. Ho OR US$ 400 I tal miloens ne’e mak sura hamutuk ho Orsamentu Jeral Estadu (OJE) 2017 US$ 1.3 Biloens mak sai hamutuk US$ 1.6 Biloens ne’e

“OJE 2017 US$1.3 biloens, agora ho orsamentu retifikativu mak sai US$1.6 biloens. Laos OR ne’e mak US$ 1.6 biloens, jornalista balun mak hakerek ne’e sala, lae, OJE 2017 tomak mak sai ida ne’e. Orsamentu Retifikativu deit 400 i ital miloens, osan foun ne’e mak 200 i tal miloens,” dehan PM Alkatiri ba Jornalista sira hafoin remata sorumutu ho PR Lu-Olo iha Palasiu Prezidensial Bairu – Pite Aitarak laran Dili, Kinta (09/11/2017).

PM Alkatiri deklara, OR tenki iha hodi hasai osan selu empereza balun. “Ita hare uluk adjuntu PM laiha, agora iha rua kedas, se laiha osan entaun lori saida mak seluk”.

Nia mos esplika, mosu diferensia montante wainhira hare dadus balun mai husi fundus infrastutura oin ida, no ADN (Agensia Dezevolvimentu Nasional) oin seluk.

“Tanba ne’e mak agora tenta la’o iha dalan klaran deit, agora laos tempu ona hodi halo konfirmasaun ba malu, maibe  agora tempu hodi aprezenta OR,” dehan PM Alkatiri.

Nia hatutan, “Hakarak VII governu asumi responsabilidade tomak, atu selu divida governu anterior ne’ebe uluk ukun ho divida se baihira lakoi entaun bele vota kontra ba”.

Kona ba programa governu, ema numeru ida iha governu ne’e esklarese katak deputadu sira persiza lee didiak programa governu nian ne’e ho total pajina 50, tanba persiza tempu naruk hodi bele lee didiak kada pajina.

Editor: Evangelisto SANTOS I COPYRIGHT @ THETIMORNEWS 2017

LEAVE A REPLY

Please enter your comment!
Please enter your name here