Home nasional MAR 139 Sei Detein Iha Sela PNTL

MAR 139 Sei Detein Iha Sela PNTL

39
0
SHARE
Segundu Komandante Munisipiu Dili, Superintendente Assistente Euclides Belo. Photo: TTN/Hortencio Sanches

By: Hortencio SANCHES

THETIMOR-NEWS.com, DILI – Membru Arte Ritual ne’ebe mak Polisia Nasional Timor – Leste (PNTL) Munisipiu Dili kaptura iha 8 Novembro 2017 oras ne’e daudaun sei iha hela sela PNTL Caicoli Dili hodi submete ba prosesu investigasaun.

Segundu Komandante PNTL Munisipiu Dili, Superintendente Assistente Euclides Belo informa, membru MAR hirak ne’e komandu PNTL  halo kapturasaun bainhira, membru hirak ne’e halo namanas hela aktividade Arte Ritual iha Taibesi.

“Mebru hira ne’ebe mak ami kaptura hodi detein iha sela, tanba sira halo aktividade Arte Ritual ne’ebe mak ita nia lei bandau, ami kaptura sira iha kalan bo’ot   sira hamutuk 139, husi total ne’e 133 mane no 6 feto,” dehan Sup. Assistente, Eclides Belo ba Jornalista sira iha Komandu Munisipiu Dili, Kinta (09/11/2017).

Segundu Komandante ne’e haktuir, MAR hirak ne’e maioria husi Munispiu Dili no balun husi Baucau, Aileu no seluk tan sei iha maibe porsesu investigasaun sei lao hafoin bele hatene los membru hirak ne’e husi munisipiu ne’ebe-ne’ebe.

Rejultadu provijoriu husi investigasaun hatudu katak membru hirak ne’e iha balun mak ho idade minoridade husi tinan sanulu resin ida mai kraik.

“Sira ne’ebe idade minoria horseik kedan ami halo komunikasaun ho sira nia family atu aprezenta sira nia dokumentu hanesan sertidaun RDTL ou Baptismu atu nune’e ita bele hatene los katak sira ne’e minoridade duni, balun hatete dehan idade ne’e minoritariu maibe realidade lae tanba la hatudu sira nia sertidaun sira, maibe tuir identifikasaun ne’e idade minoria ne’e hamutuk nain 10,” dehan Nia.

Nia esplika, kodiku prosesu penal hatudu dalan katak, ema ne’ebe mak idade minoria labele suzeitu ba prosesuais. Tanba ne’e, sira nia parte informa kedan ba Ministeriu Publiku hodi fo liberta ba membru hirak ne’e.

Relasiona ho akontesimentu ne’e, PNTL husu ba inan aman hotu atu fo edukasaun ne’ebe diak ba oan sira nune’e labele involve iha krimi.

Segundu komandante ne’e, husu mos ba komunidade hotu atu tuir organizasaun hirak ne’ebe mak legalidade ne’ebe rekoinese husi estadu nune’e bele fo venefisiu diak ba nasaun ho mos no lolos.

MAR hirak ne’ebe oras ne’e daudaun sei iha sela PNTL halo tratamentu ne’ebe dignu no diak ba sira hanesan foin sae ne’ebe futuru ba nasaun nian, tuir mensagen ne’ebe fo  husi membru Parlamentu Nasional (PN) komisaun B ne’ebe trata asuntu negosiu estrangeiru no seguransa.

Bainhira PNTL halo kaputurasaun ba MAR hirak ne’e hetan vizita direitamentu husi deputadu PN husi Komisaun B ne’ebe trata assuntu negosiu estranjeiru no seguransa.

Editóra: Agida DOS SANTOS I COPYRIHT © THETIMORNEWS 2017

LEAVE A REPLY

Please enter your comment!
Please enter your name here