Home ekonomia PM ALkatiri Konsidera “The Australia Business Review” fo Informasaun Falsu

PM ALkatiri Konsidera “The Australia Business Review” fo Informasaun Falsu

537
0
SHARE

By: Hortencio SANCHES

THETIMOR-NEWS.com, DILI – Primeiru Ministru (PM) VII Governu konstitusional Mari Alkatiri, konsidera notisia ne’ebe mak jornal The Australa Business Review fo sai ho titulu “Sunrise hopes rise as talks begin,” falsu ne’ebe hakerek husi Jornalista Paul Garvey.

The Australia Business Review, publikadu notisia ne’e iha 6 Novembru 2017, atribui deklarasaun ida ba PM Alkatiri hodi hatete, “Dr. Alkatiri sujere [Timor –Leste] preparadu atu tetu se gas husi Greater Sunrise bele ba prosesa iha Australia hodi nune’e bele ultrapasa impasse[.]”

Responde PM Mari Alkatiri nian ba artigu ida ne’e, hatete katak, reportajen ne’e laiha fundamentu no publika la los, tanba saida mak PM Alkatiri fo sai ba Jornalista dok los husi nia kontestu.

“VII Governu Konstitusional sempre reafirma nia pozisaun konba ba kestaun fronteira maritime. Hau nia deskursu iha PM Malcolm Tutrnbull nia oin rasik hau hatete katak, Timor – Leste tomak husi gabinete Prezidente Republika to iha aldeia ki’ikoan li iha foho hotu hotu hamutuk ho objetivu ida deit no apoiu inkondisionalmente esforsu Xefe Negosiador Kay Rala Xanana Gusmao nian,” Haktuir PM Alkatiri iha komunikadu ne’ebe fo sai husi Gabinete PM, Tersa (07/11/2017).

Durante nia estadia iha Australia PM Alkatiri hasoru malu mos ho parseiru sira ne’ebe dezenvolve gazodutu iha tasi Timor no nia esplika, “ Hau hatete ba ita nia parseiru sira katak Xanana Gusmao mak sei negosia ho sira kona ba gazodutu ne’e, klaru ita mantein firme iha ita nia pozisaun katak gazodutu ne’e tenke dada mai Timor – Leste.”

Antes ne’e, PM Alkatiri fila husi Perth Australia mai iha Aeroport Internasional Nicolau Lobato, Dili  iha loron (06/11/2017) fo sai ona ba publiku katak, 7 Novembru 2017 Xefe Negosiador Prinsipal Kay Rala Xanana Gusmao hasoru malu ho parseiru sira iha Australia hodi koalia kona ba dezenvolvimentu kampo Greater Sunrise, no PM deklara nia sei fo apoiu tomak ba Xefe Negosiador ho nia ekipa hodi diskute ho parseiru sira.

Tanba notisia ne’ebe mak publika iha Jornal Australia nian ne’e falsu, Gabinete PM nian oras ne’e daudaun prepara ona karta ida hodi haruka ba Jornal The Australia Business, hodi husu Jornal ne’e emediatamente rektifika publikasaun lalos ne’e.

Editóra: Agida DOS SANTOS I COPYRIHT © THETIMORNEWS 2017

LEAVE A REPLY

Please enter your comment!
Please enter your name here