Home dezenvolvimentu CNRT-PLP Kontinua Apoiu Xanana Halo Negosiasaun Greater Sunrise

CNRT-PLP Kontinua Apoiu Xanana Halo Negosiasaun Greater Sunrise

65
0
SHARE
Xefe bankada CNRT Arao Noe. Photo:TTN/Hortencio Sanches

By: Hortencio SANCHES

THETIMOR-NEWS.com, DILI – Partidu CNRT no PLP liu husi deputadu sira iha Parlamentu Nasional (PN) deklara sira nia parte sei apoiu makas ba Xefe Negosiador Fronteira Maritima, Kay Rala Xanana Gusmao atu halo negosiasaun ba Greatr Sunrise, nune’e bele hetan solusaun diak hodi dada mai Timor – Leste.

Xefe bankada CNRT Arao Noe hatete, prosesu ne’ebe mak Kayrala Xanana Gusmao ho nia ekipa esforsu hodi halo dialogu ne’e, uluk kedas iha ona hanoin atu dada duni kadoras husi Greater Sunrise mai Timor – Leste.

“Governu ida ne’ebe hahu kedas husi IV mai to iha VI ne’e, tau osan para hodi prepara supply Base prepara iha tasi mane hodi nune’e Greater Sunrise ne’e dada duni mai Timor – Leste sei fo kampo traballu barak ba Timoroan sira,” dehan Arao Noe ba Jornalista sira iha edifisiu PN,Tersa (07/11/2017).

Tanba ne’e, CNRT nia pozisaun firmi hodi suporta nafatin Kay Rala Xanana Gusmao hodi lidera nafatin negosiasaun ne’e.

Iha fatin hanesan deputada bankada PLP, Mericio Juvinal dos Reis hatete, koalia kona ba Greter Sunrise uluk kedas ema barak mak hakarak atu lori mai Timor –Leste.

“Kona ba negosiasaun Greter Sunrise uluk kedas ema barak mak preokupa tebes maibe ita nia maun bo’ot Xanana agora halo namanas hela prosesu negosiasaun, ne’e duni ami hotu foa apoiu nafatin. Tanba ne’e ita hotu labele halo deklarasaun arbiru hodi halo falla ita nia negosiasaun ne’e sira ne’ebe halo hela servisu,” dehan deputadu Mericio.

Nia hatutan, se kuandu deklarasaun ne’ebe mak Primeiru Ministro (PM) Mari Alkatiri halo iha Australia los duni ne’e kontra produtivu ne’ebe mak oras ne’e daudaun lao hela.

“Se deklara saun ita nia PM halo iha Australia ne’e mak los duni kontra ita nia produtivu ne’ebe mak agora daudaun lao hela, se deklarasaun ne’e lalos ita presiza halo klarifikasaun lalais ba publiku atu nune’e ema hotu bele hatene katak informasaun ida ne’e falsu,” dehan deputadu Acara.

Relasiona ho deklarasaun ne’e, PM Alkatiri deklara ona liu husi komunikadu ne’ebe fo sai husi Gabinete katak, informasaun ne’ebe mak The Autralia Business fo sai ne’e lalos no falsu. Tanba ne’e sira nia parte prepara ona karta ida hodi haruka ba media refere iha Australia bele halo klarifikasaun ba notisia ne’e.

Editóra: Agida DOS SANTOS I COPYRIHT © THETIMORNEWS 2017

LEAVE A REPLY

Please enter your comment!
Please enter your name here