Home dezenvolvimentu Taur Orienta Vota Kontra OR, Alkatiri: Hau Bingung

Taur Orienta Vota Kontra OR, Alkatiri: Hau Bingung

36
0
SHARE
Prezidente PLP. Taur Matan Ruak. Photo: Google.com

By: Hortencio SANCHES

PM MariAlkatiri. Photo: Google

THETIMOR-NEWS.com, DILI – Prezidente Partidu Libertasaun Popular (PLP) Taur Matan Ruak deklara ona iha konferensia da-ruak Partidu CNRT nian ne’ebe halo iha Sede Partidu CNRT, Bairu dos Grilos Dili, Domingo (05/11/2017) fo ona orientasaun ba bankada opozisaun iha Parlamentu Nasional hodi vota kontra Orsamentu Ratifikativu ne’ebe sei aprezenta husi VII Governu Konstituisaun.

Tanba ne’e, Primeiru Ministru (PM) Mari Alkatiri hatete, nia bingung bainhira rona deklarasaun husi Prezidente PLP ne’ebe fo orientasaun ba bankada opozisaun iha Parlamentu Nasional (PN) maske seidauk hare didiak Orsamentu Ratifikativu ne’ebe mak Governu sei aprezenta iha 9 Novembru 2017.

PM Alkatiri hato mensazen hafoin fila husi Konferensia Internasional ne’ebe ne’ebe halo loron 4 iha Perth Australia. Photo: TTN/Hortencio Sanches

“Orsamentu ne’e, ita sei dauk hare’e hodi halo estuda diak lai, hanoin mak vota kontra ona, hau bingung uitoan eh, maibe pronto ne’e politiku, maibe ba hau hanesan ne’e, sei hare uluk lai fo vantazen ba povu ou lae mak foin bele vota kontra, maibe hau nia politika agora atu fo vantazen ba povu, laos ba hau nia partidu,” dehan Sekretariu Jeral FRETILIN aktual PM, Mari Alkatiri ba Jornalista sira iha Aerportu Internasional Nicolau Lobato, hafoin fila husi konferensia internasional iha Perth, Australia, Segunda (06/11/2017).

Maske parte opozisaun sei vota kontra nafatin Programa faze da-ruak ne’ebe VII Governu haruka ba PN hamutuk ho Orsamentu Ratifikativu, maibe lider jerasaun tuan ne’e iha esperansa no garante nafatin nia governasaun sei dura nafatin to tinan 5 ou hakat ba eleisaun antisipada.

Hare’e ba politiku ne’ebe mak oras ne’e daudaun lao komplikadu bo’ot iha PN, Prezidente Republika Francisco Guterres Lu-Olo konvoka ona karta ba lideransa partidu 5 hanesan FRETILIN, CNRT, PLP no KHUNTO nune’e bele tur hamutuk dala ida tan hodi halo dialogu.

“Hau simu mos konvite husi PR hodi halo dialogu ho lider partidu hotu, hau pronto no hein hela kona ba koalia ne’e hau pronto,” dehan PM Alkatiri.

Editóra: Agida DOS SANTOS I COPYRIHT © THETIMORNEWS 2017

LEAVE A REPLY

Please enter your comment!
Please enter your name here