Home nasional RENETIL Husu PR Lu-Olo Loke Dalan ba Eleisaun Antisipada

RENETIL Husu PR Lu-Olo Loke Dalan ba Eleisaun Antisipada

24
0
SHARE
Portavoz RENITIL Jose Luis Oliveira. Photo: TTN/Fidelio Ramos

By: Fidelio RAMOS

THETIMORNEWS.com DILI,Hare ba situsaun politika  iha Timor – Leste oras ne’e daudaun lao la normal povu barak mak preokupa. Tanba ne’e organizasaun Rezistensia Nasional Estudante Timor-Leste (RENETIL) husu Prezidenti Republika (PR) Francisco Guterres Lu-Olo hola medida ida forte tuir Konstituisaun Republika Demokratika Timor-Leste (KRDTL) loke dalan ba eleisaun antisipada hodi evita problema Tanba povu presiza hakmatek no buka  dezenvolve sira nia moris.

“Eleisaun antisipada hau fila fali ba konstituisaun garante hela buat ne’e, bele hetan  solusaun ultimu rekursu sei iha buat seluk Prezidenti halo,” dehan  Porta Voz RENETIL Jose Luis Oliveira ba Jornalista sira hafoin remara inkontru ho PR Lu-Olo iha Palasiu Prezidensial Bairu-Pite Dili, Segunda (07/11/2017).

Nia husu ba politiku hotu labele hare PR Lu-Olo hanesan simbolu tuir sistema konstituisaun deit maibe hare  Prezidenti  mos uza  kna’ar importante ida  hodi fo posse ba Primeiru Ministru (PM) inklui fo posse membru governu sira.

“Ami hakarak fo apoiu ba PR uza nia kna’ar  ne’e atu garante governasaun ida mai ne’e  governsaun ida diak nian,” dehan Luis.

Nia mos husu ba lider Istoriku sira buka malu hamutuk  hodi fo responsabilidade ba kestaun ne’ebe mak agora akontese iha Timor – Leste.

Editór: Hortencio SANCHEZ I COPYRIHT © THETIMORNEWS 2017

LEAVE A REPLY

Please enter your comment!
Please enter your name here