Home dezenvolvimentu Prevene Peska Ilegal, Australia Oferese Ró 2 ba Timor – Leste

Prevene Peska Ilegal, Australia Oferese Ró 2 ba Timor – Leste

69
0
SHARE
Ro Peska. Photo: Google

By: Hortencio SANCHES

THETIMOR-NEWS.com, DILI – Timor – Leste hanesan nasaun ne’ebe ki’ik, iha  nasaun 2 nia let entre Australia no Indonezia, maibe teritoriu tasi ne’ebe luan, tinan-tinan Timor – Leste sempre lakon ikan barak. Tanba ne’e Governu Australia deside hodi ofrerese Ró 2 gratuita ba Governu Timor – Leste nune’e bele fasilita servisu seguransa hodi bele kontrola peska illegal li-liu parte tasi mane.

Governu liu husi Primeiru Ministro Mari Alkatiri hatete, Australia ofrese Ró seguransa nian ba Timor- Leste laos impresta maibe intrega los ona nune’e bele prevene peska illegal ne’ebe mak agora daudaun makas iha teritoriu tasi Timor.

“Ró 2 ne’ebe Agora Australia atu intrega mai ita ne’e, laos impresta maibe atu fo duni ona, durante tinan naruk ba manutensaun nian Australia sei fo nafatin mai ita ho Ró 2 ne’e ita bele garante ona ita nia tasi mane bele kontrola ona ba ema sira naok ita nia ikan loroloron ne’e,” dehan PM Alkatiri ba Jornalista sira iha Airportu Internesional Nicolao Lobato Dili, bainhira fila husi konferensia internasional ekonomia nian iha Perth Australia, Segunda (06/11/2017).

Nia hatutan Ró 2 ne’e sei intrega ba F-FDTL ba iha komponente Naval, maibe sei fo treinu husi Marineiru Australia nian hafoin Marineiru Timoroan bele utiliza mesak Ró rua ne’e.

“Ró 2 ne’ebe mak sira sei fomai ne’e, sira sei fo uluk Ró segunda mao ida para ita nia marineiru sira treinu bainhira Ró foun rua ne’e halo hotu ona intrega mai ita mak utiliza ona,” dehan PM Alkatiri.

Editóra: Agida DOS SANTOS I COPYRIHT © THETIMORNEWS 2017

LEAVE A REPLY

Please enter your comment!
Please enter your name here