Home dezenvolvimentu Lere: Politiku Labele Depende ba Nasaun Seluk

Lere: Politiku Labele Depende ba Nasaun Seluk

56
0
SHARE
Maijor General Lere Anan Timur. Photo: google.com

By: Hortencio SANCHES

THETIMOR-NEWS.com, DILI – Xefe Estadu Maior das Forsas Armada, Maijor Jeneral Lere Anan Timur hatete, Politiku lolos labele depende deit ba ajuda husi nasaun seluk, maibe tenke fiar an.

“Hau mak politiku karik, hau konfia hau nia an duke hein deit ajuda husi ema seluk,” Lere kasu lia hirak ne’e ba Jornalista sira iha Aeroportu Internasional Nicolau Lobato, Segunda (06/11/2017), relasiona ho ajuda Ró rua ne’ebe Governu Australia ofrese ba Governu Timor – Leste hodi kontrola peska illegal ne’ebe oras  ne’e daudaun makas iha tasi Timor.

Nia esplika Ró rua ne’ebe mak Australia atu ofrese mai ne’e sei lori tempu naruk, maibe iha tempu naruk nia laran ne’e lahatene saida mak akontese iha tasi laran.

“Ró ne’e mai mos sei han tempu tinan 5 ou 6 mai oin tan, entaun iha tinan 6 ne’e nia laran saida mak akontese iha ita nia tasi laran ne’eba,” dehan Lere.

Tuir informasaun Ró ne’ebe mak Australia halo hamutuk 23 atu fan ba nasaun sira hotu, maibe ikus liu mak rua ne’ebe atu ofrese mai Timor – Leste. Tanba ne’e sei presiza tempu barak foin bele finaliza.

Hare ba rekusu umanus, eis Guirilleiru ne’e haktuir, “Ita kona ba rekursu atu kaer Ró ne’e hau hanoin iha kona ba ida manutensaun bo’ot ne’e laiha, ida mos mak ne’e, ita nia fatin atu para Ró ba ne’e seidauk iha, kareta karik ita bele naran para hela deit”.

Antes ne’e, PM Alkatiri deklara ona katak, Ró rua ne’ebe mak Australia intrega ba Timor – Leste atu nune’e bele prevene peska illegal ne’ebe mak agora daudaun makas iha tasi Timor.

Editóra: Agida DOS SANTOS I COPYRIHT © THETIMORNEWS 2017

LEAVE A REPLY

Please enter your comment!
Please enter your name here