Home internasional Juga Gama Fila Hikas ba Prizaun Becora

Juga Gama Fila Hikas ba Prizaun Becora

1658
0
SHARE
Fujitivu Juga Gama (Kamija mutin) hetan guarda metin hosi autoridade POLdA Bali no PNTL wainhira hetan extradisaun hosi area Indonezia hakat hela ba aeroportu Internasional I Gusti Ngurah Rai, Denpasar, Bali, Sexta (03/11/2017). Photo: Espesial.

By: Hortencio SANCHEZ

Fujitivu Juga Gama tau faru liman naruk mutin kalsa naruk coklat husi klaran lian uza hela alsema. Photo: Espesial

THETIMOR-NEWS.com, DILI – Fujitivu Juga Gama, Prizioneru ne’ebe halai sai husi Prizaun Becora iha 3 Novembru 2013, oras ne’e daudaun fila hikas ona ba Prizaun Becora hafoin entrega hosi POLDA Bali iha Aeroporto Internasional I Gusti Ngurah Rai, Denpasar, Bali, Indonesia iha dadersan Sexta (03/11/2017).

Juga Gama to’o iha Dili ho aviaun Sriwijaya tuku 13.45 OTL akompaina husi Superintendente Xefe Jose Neto Mouk, Inspektur Xefe Manuel Alves nudar Xefe narkotika no reprezentante imigrasaun Timor – Leste ba Indonezia Luis Barreto akompaina mos ho Embaixador Indonezia iha Timor – Leste.

Bainhira to iha Airportu Dili, PNTL lori kedan fujitivu Juga Gama ba kedas Prizaun Becora hodi kontinua kumpri nia sala ne’ebe hetan pena tinan 8 tamba kazu droga nian.

Segundu Komandante PNTL, Komisariu Faustino da Costa fo agradese no obrigadu ba estadu Indonezia no autoridade seguransa nian, tanba bele kaer ona fujitivu Timoroan ne’ebe durante tinan naruk nia laran subar iha Indonezia.

“Ita hotu hatene katak, ita nia fujitivu ne’e durante tinan 4 nia laran subar iha liur, maibe ita nia PNTL sira laos tur deit iha fatin, maibe kordena nafatin ho autoridade seguransa Indonezia nian hodi halo koperasaun tenta hodi kaer nune’e bele lori fila mai ita nia rain. Tanba ne’e lori komandu PNTL nia naran husu agradese ba embaixada Indonezia nian iha Timor – Leste  no POLRI Indonezia liu-liu POLDA Bali ne’ebe ho esforsu konsege kaer ona ita nia fujitivu ne’e,” dehan Komisariu Faustino da Costa ba Jornalista sira iha Aeroportu Internasional Nicolau Lobato Dili, Sexta (03/11/2017).

Antes ne’e, Tribunal Distrital Dili aplika kadeia tinan 8 ba Juga Gama tanba provadu komete krime Droga.

Durante ne’e, ema barak hanoin artisa Timoroan ne’e lakon ona nia vida, tanba durante tinan barak nia laran ema hotu la rona is husi artista ne’e.

Juga Gama naran ne’ebe koinesidu mos iha Timor – Leste liu husi muzika barak ne’ebe nia katan ida mak titulu Doben Diak no Noi O Metan Midar.

Editór: Evangelisto SANTOS I COPYRIGHT © THETIMORNEWS 2017

LEAVE A REPLY

Please enter your comment!
Please enter your name here