Home dezenvolvimentu KM Halo Ajustamentu ba Programa VII Governu Konstitusional

KM Halo Ajustamentu ba Programa VII Governu Konstitusional

292
0
SHARE
PM Alkatiri no nia membru VII Governo Konstitusional halao hela inkontru Konsellu Ministru. Photo: Google

By: Hortencio SANCHEZ

THETIMOR-NEWS.com, DILI – Governu liu husi Konsellu Ministro (KM) Tersa (31/10/2017) halo ajustamentu ba Programa VII Governu Konstitusional ba faze daruak nian, nune’e iha tempu badak haruka fila ba Prlamentu Nasional (PN) hodi halo apresiasaun.

“Ohin ami konsege halo asertasaun no ajustamentu ba Programa Governu nian, nune’e ami tenta mos koalia kona ba lei organika VII Governu nian ikus liu koalia kona ba preparasaun Orsamentu Ratifikativu nian,” dehan Sekretariu Estadu Prezidesia Konsellu Ministru no Komunikasaun Sosial, Matias Boavida ba Jornalista sira hafoin remata sorumutu KM iha edifisiu Palasiu Governu.

Nia esplika hakarak ka lakoi Orsamentu Ratifikativu iha tempu badak haruka ba PN hodi responde ba nesisidade baziku sira ne’ebe oras ne’e daudaun akontese hanesan ema moras sira ne’ebe agora presiza tratamentu saude.

“Buat ne’ebe mai urjente agora ne’e mak Orsamentu Ratifikativu tanba deputadu sira barak mos koalia kona ba ema barak agora besik mate maibe ita laiha aimoruk no situasaun hirak ne’e mak halo ita prioritize saida mak sai prioridade ba governu ida ne’e hodi responde ba nesisidade povu nian,” dehan Matias.

Maski Orsament Ratifikativu governu sei aprezenta iha tenmpu badak nia laran ba PN maibe, governu rasik seidauk esplika klaru kona ba montante husi orsamentu refere.

Relasiona ho lei organiku ne’ebe mak KM diskuti nune’e bele fo dalan ba Ministeriu hotu atu iha kompetensia rasik no diskusaun ne’e halo tuir preokupasaun no ejizensia ne’ebe hato husi deputadu sira iha PN.

Editóra: Agida DOS SANTOS I COPYRIHT © THETIMORNEWS 2017

LEAVE A REPLY

Please enter your comment!
Please enter your name here