Home dezenvolvimentu Adriano: Halo Lei Atu Servi Povu

Adriano: Halo Lei Atu Servi Povu

57
0
SHARE
Ministro Adriano husi sorin liman los Ministro Estanislau da Silva no Ministro Saude Rui Araujo simu hela tomada posse husi PR Lu-Olo iha palasiu Nobre Lahane. Photo: Media PR

By: Hortencio SANCHES

THETIMOR-NEWS.com, DILI – Ministro Prezidensia do Konssellu Ministro Adriano do Nasimento hatete, Lei ne’ebe halo atu proteze povu laos halo lei hodi oho povu. Tanba ne’e nia husu ba Parlamentu Nasional (PN) tenke halo aprovasaun ba Orsamentu Ratifikativu ne’ebe mak iha tempu besik governu sei aprezenta nune’e bele responde ba povu nia nesisidade.

Maski lei la fo dalan ba Governu atu aprezenta Orsamentu Ratifikativu hamutuk ho programa, maibe hare ba situasaun agora daudaun akontese ba ministeriu balun, liu-liu ministeriu saude ne’ebe oras ne’e daudaun ai-moruk menus iha ospital.

“Ita hanesan lider ne’e tenke iha sensibilidade, lei halo para servi povu, se lider ida agora iha la servi povu no atende povu nia nesisidade, liu-liu moras be’e mos laiha ida ne’ebe mak tau prioridade lei ou nesisidade povu nian,” dehan Ministro Adriano ba Jornalista sira iha edifisiu PN, Segunda (30/10/2017).

Nia esplika, governu haruka programa hamutuk ho Orsamentu Ratifikativu, maibe depende ba membru PN sira mak deside atu deskute uluk Orsamentu ou Programa.

Hare ba bankada opozisaun ne’ebe maioria iha  PN ne’ebe nakfilak ba Aliansa Maioria Parlamentar (AMP) iha ona ameasa ho vota kontra nafatin programa ne’ebe aprezenta ba faze da-ruak ninian. Tuir sira minoria tenke submete ba maioria.

Hatan ba kestaun ne’e, nia afirma, bainhira PN liu husi deputadu opozisaun vota kontra nafatin programa da-ruak ne’e direitu partidu ida-idak nian maibe tenke tau mos konsiensia nudar lider ba povu nia moris.

“Opozisaun sira atu vota kontra tan program aba da-ruak ne’e, hanoin sira nia direitu tanba nasaun demokrasia nune’e duni, maibe ita mos tenke hare ba situasaun nudar lider tenke tau mos interese povu nian ho servi povu liu-liu povu sira nia nesisidade, bainhira povu sira moras ai moruk laiha atu mate, ita atende uluk ba sira ou halo lei uluk lai,” dehan Adriano.

Editóra: Agida DOS SANTOS I COPYRIHT © THETIMORNEWS2017

LEAVE A REPLY

Please enter your comment!
Please enter your name here