Home dezenvolvimentu Semana Oin Governu Haruka Orsamentu Ratifikativu ba PN

Semana Oin Governu Haruka Orsamentu Ratifikativu ba PN

81
0
SHARE
Primeiro Ministro Mari Alkatiri. Photo TTN/FIdelio Ramos

By: Fidelio RAMOS

THETIMOR-NEWS.cvom, DILI – Governu liu husi Primeiru Ministru (PM) Mari Alkatiri informa, semana oin Governu haruka ona orsamentu ratifikativu tinan ida ne’e ba Parlamentu Nasional (PN) nune’e bele halo debate.

PM Mari Alkatiri. Photo: TTN/Hortencio Sanches

“Iha interpretsaun ida ke sala dehan antes orsamentu ratifikativu  aprova tenki ser aprova uluk fali  programa, ida ne’e hau senti lalos programa ne’e liga ba orsamentu Tinan oin nian, tanba ne’e ami prepara ona OR iha semana oin ami sei haruka on ba  PN,” dehan PM Alkatiri ba Jornalista sira hafoin remata sorumutu ho Prezidenti Republika (PR) Francisco Guterres Lu-Olo iha Palasiu Prezidensial Bairu-Pite Dili, Kinta (26/10/2017).

PM Alkatiri afirma, Projetu agora daudaun oi-oin deit mak  mosu. Tanba ne’e, governu tenki prepara ona orsamentu refere, nune’e bele selu emprezariu sira ne’ebe manan projetu.

Entretantu, relasiona ho referendum ne’ebe mak governu atu lao, konstituisaun fo dalan maibe seidauk iha lei ida atu regula, nune’e agora daudaun governu sei prepara hela proposta lei atu nune’e bele harukaba PN atu apresia no aprova lei ne’e.

“Konstituisaun loke dalan ba referendum bainhira presiza povu nia desizaun atu hare no hadia buat ne’ebe mak lao la los. Tanba konstituisaun loke dalan no haruka iha lei ida para bele regula tanba ne’e ami prepara ona atu haruka ba PN hodi aprova,”dehan PM  Mari.

Nia hatutan, sei fiar deputadu sira hodi halo aprovasaun ba lei ne’e, tanba deputadu sira iha sentidu estadu tuir duni dalan konstituisaun.

Alende ne’e, PM informa mos ba PR kona ba, nia parte simu ona karta konvite hodi partisipa konferensia bo’ot ida ne’ebe mak sei halo iha Australia  kona-ba  Organizasaun Finanseiras nune’e koalia mos konaba dezenvolvimentu Timor – Leste nian.

“Konvite ne’e, mai lols hau la ba maibe hau tenke ba duni hau sei sai iha 1 Novembro no sei fila fali iha 6 Novembru, konvite ne’e mai husi organizasaun bo’ot ida husi ekonomika finanseirus nian, atu koalia politika dezenvolvimentu Timor – Leste nian no organizasaun ne’e, organizasaun ida ne’ebe bo’ot ho fundu 60 bilioes $ USD entaun nia pronto atu ajuda rai sira ne’ebe besik Australia,” dehan PM Alkatiri.

Ministru hirak ne’ebe sei akompaina PM hodi ba partesipa iha konferensia ne’e mak, Ministru Estadu no Ministru Agrikultura Peska Estanislau da Silva, Ministro Adjunto Primeiro Ministro no Ministro delimitasaun Fronetira Agio Pereira no membru seluk tan ne’ebe PM la hatete naran.

Editór: Hortencio SANCHEZ I COPYRIHT © THETIMORNEWS 2017

LEAVE A REPLY

Please enter your comment!
Please enter your name here