Home nasional Lere: Timor – Leste Agora Krize Politiku

Lere: Timor – Leste Agora Krize Politiku

54
0
SHARE
Maijor General Lere Anan Timur. Photo: google.com

 By: Fudelio RAMOS

THETIMOR-NEWS.com, DILI – Xefe Estadu Maior forsas armada Falintil Forsa Defeza Timor-Leste  (F-FDTL)  Maijor Jeneral Lere Anan Timur rekunse situasaun politiku  agora daudaun mosu iha Timor-Leste nia konsidera krize politiku laos krize militar.

“Lider Kay Rala Xanana Gusmão dehan ona katak buka atu   aprende, hanesan hau nia  profesor mak se, hau nia professor mak hau nia sala  rasik e hau nia  profesor mak  hau nia maluk sira seluk nia sala, tanba hau mos  buka aprende husi sala mak ba los,  ne’ebe krizi ida agora ne’e ita bele dehan krizi militar mos laos krizi  militar ne’e krizi politik lideransa,” dehan Lere ba Jornalista sira hafoin remata sorumutu ho Prezidenti Republika (PR) Francisco Guterres Lu-Olo iha Palasiu Prezidensial Bairu-Pite Dilil, Kuarta (25/10/2017).

Iha sorumutu ne’e PR Lu-Olo husu ba F-FDTL no PNTL atu  kumpri  nafatin misaum no dever tuir konstituisaun  tenki neutralidade labele halis ba partidu ida ka organizasaun ruma , se bainhira kuandu halis mak  Komandu sei foti medida forte.

Tanba ne’e nia apela ba populasaun hotu tur hakmatek iha fatin ida-idak  no lalika sunu ahi iha media sosial hanesan fecebook hodi  provoka situasaun, husik ba lideransa sira mak ho maturnidade hodi sai  responsabilidade  rezolve lalais kestaun ne’e.

“Hare ba ohin loron lider historiku Xanana Gusmão  laiha iha Timor-Leste,maibe iha loron aban no bairua Xanana sei bele iha ne’e ona para oinsa buka malu ho nia alin sira seluk para jere lalais situasaun ne’e para labele mosu tan  krizi hanesan tinan 2016,” dehan Lere.

Iha eleisaun daruak hanesan eleisaun prezidensial no eleisaun parlamenta konsege lao ho susesu to intrega ba lideransa  maibe sira kontinua hadau malu kadeira, tanba ne’e  kolia tenki sukat ibun hodi nune’e labele soke malu atu nune’ ita labele halo diskriminsaun.

Tuir Lere, agora labele aproveita demokrasia tuir hakarak deit tanba agora populasaun barak mak sei  hetan terus no susar  pior liu tan balu jerasaun laiha  tan deit  funu.

Editór: Hortencio SANCHES I COPYRIHT THETIMOR-NEWS 2017

LEAVE A REPLY

Please enter your comment!
Please enter your name here