Home dezenvolvimentu KM Diskute Tekniku ba Programa VII Governo ba Faze Daruak

KM Diskute Tekniku ba Programa VII Governo ba Faze Daruak

42
0
SHARE

By: Hortencio SANCHES

THETIMOR-NEWS.com, DILI – Governo liu husi Konsellu Ministru (KM), Kuarta (25/10/2017) iha Palasio do Governo halo diskusaun tekniku ba programa VII Governo Konstitusional nian atu nune’e bele aprezenta dala ida tan ba Parlamentu Nasional iha tempu badak.

Sekretariu Estadu Konsellu Ministru no Komunikasaun Sosial, Matias Boavida hatete, Inkontru Konsellu Ministru ne’ebe lidera husi Primeiro Ministro (PM) Mari Alkatiri hodi koalia kona ba reformula Programa ne’ebe durante ne’e la passa iha Uma fukun Parlamentu Nasional (PN).

“Ohin iha KM ne’e ami koalia kona ba oinsa atu halo detalladu liu koana ba programa ne’ebe durante ne’e nai deputadu sira kestiona no programa ne’e ami sei hatama ba PN tuir lei konstitusional haruka,” dehan  Matias Boavida ba Jornalista sira hafoin remata inkontru KM, iha edifisiu Palasio Governo.

Alende ne’e, koalia mos kona ba planu  governu nian oisa iha programa da-ruak ne’ebe haruka ba PN sei haruka dala ida ho orsamentu ratifikativu maibe seidauk hatene los montante husi orsamentu refere.

“Planu ne’ebe atu hatama mos ho orsamentu ratifikativu tanba ita nia ejizensia rali laran presiza no governu mos presiza nesesidade husi orsamentu ne’e,” dehan Matias.

Antes ne’e, Programa da-huluk VII Governu nian haruka ona ba PN hodi halo debate durante loron hat maibe la konsege hetan rezultadu tanba bankada opozisaun ne’ebe maioria iha PN ho kadeira 35 husi deputadu 65 rejeita total hodi hatam moasaun rejisaun hodi vota  kontra programa ne’ebe mak governu hato.

Tuir konstituisaun RDTL bainhira program ne’ebe governu aprezenta ba PN la pasa iha parte da-huluk mak sei haruka fila durante loron 60 nia laran hodi halo apresiasaun fila fali nune’e  bele haruka tan dala ida ba PN.

Agora daudaun VII Governu Konstitusional lidera husi PM Mari Alkatiri, maibe durante programa dahuluk la passa iha PN, PM Alkatiri deklara ona katak, nia parte sei lalori fila tan programa dala rua ba PN no nia rasik sei intrega ba nia ministru estadu balun mak sei aprezenta ba faze da-ruak nian.

Editóra: Agida DOS SANTOS I COPYRIHT THETIMOR-NEWS 2017

LEAVE A REPLY

Please enter your comment!
Please enter your name here