Home nasional Xefe Suku Lahane Oriental-Fatuhada Kestiona Lei No 9/2016

Xefe Suku Lahane Oriental-Fatuhada Kestiona Lei No 9/2016

44
0
SHARE
Xefe Suku Lahane Oriental no Xefe Suku Fatuhada. Photo: TTN/Fidelio Ramos

By: Fidelio RAMOS

THETIMOR-NEWS.com DILI – Xefe Suku Lahane Oriental no Xefe Suku Fatuhada preokupa makas ba lei No 9/2016 artigu 80 tanba  governu ladun tau konsiderasaun ba Autoridade Lokal sira hodi halo servisu ho diak. 

“Ohin mai kolia ho prezidenti reprezenta Xefe Suku iha Teritoriu laran atu hare ba lei numeru 9/2016 nian katak ami iha Autoridade Lokal iha kompetensia tomak atu halo kobransa tuir lei ne’ebe define ona mai ami  maibe akontese ladun fo espasu mai ami iha kompetensia hodi  ezekuta lei ne’ebe mak  iha,” dehan Xefe Suku Lahane Trindade Amaral Pinto Baptista ba Jornalista sira hafoin remata sorumutu ho PR Lu-Olo iha palasiu prezidensial Bairu-Pite Dili, Terca (23/10/2017).

Tanba ne’e nia husu ba PR hamutuk ho Parlamentu Nasional (PN) Governu sira tau tan hanoin hodi rezolve  lalais kestaun ne’ebe agora daudaun ne’ebe sira infrenta.

Iha parteseluk relasiona ho situasaun Politiku ne’ebe agoradaudaun lao halo ema hotu trauma, Xefe suku ne’e husu ba komunidade hotu atu tur hakmatek iha ida-idak nia hela fatin hodi akompaina sa dezisaun mak governu ne’ebe agora iha atu halo ba oin.

“Hau husu ba inan aman atu kontrola oan sira hodi fo apoiu ba rai ne’e deit hodi estabiliza tanba ita hotu fo vida ona ba rai tanba agora ita hein hela ita nia kontibuisaun para oinsa lori povu ne’e ba dezenvovimentu tanba ita liberta patria ona tenki liberta mos povu,” dehan Xefe Suku Trindade.

Alende ne’e nia husu mos ba lider politiku hotu atu koalia sukat ibun, tanba atu sakrifika povu ba moris diak presiza tenke rona malu no labele intrese politiku mak bo’ot liu intrese povu.

Sorin seluk Xefe suku Fatuhada Marcelinu Soares husu ba Prezidenti Republika (PR) Francisco Guterres Lu-Olo atu tau atensaun ba Autoridade loka sira nia aspirasaun nune’e sira bele halo servisu ho diak.

“Hau hakarak husu prezidenti atu rekomenda hela problema ne’e ba governu,” dehan Marcelino.

Editór: Hortencio SANCHES I COPYRIGHT © THETIMOR-NEWS 2017

LEAVE A REPLY

Please enter your comment!
Please enter your name here