Home nasional Halo Referendum, AMP Konsidera PM Alkatiri Kontra Konstituisaun

Halo Referendum, AMP Konsidera PM Alkatiri Kontra Konstituisaun

63
0
SHARE
AMPliu husi bankada tolu halo hela konferensia imprensa hodi kontra desizaun ne'ebe PM Alkatiri halo ba programa VII Governo konstitusional. Photo:TTN/Hortencio Sanches

By: Hortencio SANCHES

THETIMOR-NEWS.com, DILI – Aliansa Maioria Parlamentar (AMP) ne’ebe durante ne’e hanesan Opozisaun Maioria Parlamentar konsidera referendum ne’ebe Primeiru Ministro Mari Alkatiri halo ba programa Governu sira konsidera hanesan aktu ne’ebe  kontra Konstituisaun RDTL.

“Tanba lei inan Konstituisaun RDTL artigu 66 alinea 3 hatete lolos labele halo referendum ba sasan ezekutivu sira ba Parlamentu Nasional ka Governo no Tribunal,” dehan Xefe banka CNRT Arao Noe Amaral iha konferensia Imprensa ne’ebe halo iha salaun bankada CNRT,  Tersa (24/10/2017).

Prezidente bankada PLP Fidelis Magalhaes esplika, lolos lei la fo dalan ba governu ne’ebe la avansa hodi halo referendum ba programa. Tuir nia lei fo dalan governu monu tenke intrega ba partidu segundu mais votadus ou eleisaun antisipada.

“Governu halo referendum ba programa ida ne’e, laiha dalan konstitusional atu sira halo referendum,” dehan deputadu Fidelis Magalhaes.

Iha fatin hanesan Xefe bankada KHUNTO Luis Roberto hatete, AMP mosu laos atu iha ambisaun ba kaer governu maibe sira nia parte hakarak husu ba governo tenke halo tuir lei inan ne’ebe mak vigora ona iha Timor – Leste.

“Ami nia hakarak mak governu ida ne’e, tenke halo buat hotu tenke tuir ita nia lei inan ne’ebe mak agora lao daudaun hela,” dehan deputadu Luis Roberto.

Durante iha eleisaun Parlamentar ne’ebe partidu FRETILIN sai hanesan partidu mais votadu simples ho kadeira 23, CNRT hanesan Partidu segundu mais votadu simples ho kadeira 22, PLP hetan kadeira 8, Partidu Demokratiku (PD) hetan kadeira 7 no KHUNTO okupa iha pozisaun ikus ho kadeira 5.

Ho rezultadu ne’ebe iha hatudu katak laiha partidu ida mak manan maioria iha eleisaun refere, hodi forma governu. Tanba ne’e partidu mais votadu FRETILIN halo negosiasaun politiku hodi konsulta ho partidu 4 seluk maibe la konsege hetan solusaun maioria hodi forma VII Governu konstitusional.

Nune’e, partidu FRETILIN foti dezisaun hodi forma Governu hamutuk ho PD, maski governu ne’e, forma ho minoria asentu kadeira iha uma fukun PN 30 no bloku opozisaun kadeira 35.

Editóra: Agida DOS SANTOS I COPYRIGHT © THETIMOR-NEWS 2017

LEAVE A REPLY

Please enter your comment!
Please enter your name here