Home nasional Antonio Freitas Troka Olandina Caeiro ba Kargu KKFP

Antonio Freitas Troka Olandina Caeiro ba Kargu KKFP

44
0
SHARE
Deputadu IV lezislatura sira halao debate iha uma fukun PN. Photo TTN/Hortencio Sanches

By: Hortencio SANCHES

THETIMOR-NEWS.com, DILI – Parlamentu Nasional (PN) liu husi eleisaun hodi desidi Antonio Freitas ba Komisariu Konsellu Funsaun  Publiku (KKFP) hodi substitui Olandina Caeiro ne’ebe hetan fiar husi estadu Timor – Leste hodi sai hanesa embaixadora Timor- Leste iha Malasia, iha fulan hirak liu ba.

Antonio Freitas kandidatura ne’ebe aprezenta husi bankada Opozisaun CNRT no PLP. Bankada koligasaun FRETILIN no PD aprezenta kandidatura Maria Expostu maibe la konsege passa tanba deputadu maioria fo konfiansa ba kandidatura Antonio Freitas ho votus maioria ho votus afavor 35 husi deputadu 64 no Maria Expostu lakon ho votus afavor 29.

Antoni Freitas agora daudaun hanesan dosente kontratadu iha Universitariu Nasional Timor Lorosa’e (UNTL) no Mari Expostu antes ne’e hanesan deputada iha segunda lejislatura PN.

Deputada bankada FRETILIN Nurima Ribeiro Alkatiri. Photo: TTN/Hortencio Sanches

Hare ba kandidatura Maria Expost la liu iha votasaun ne’e, bankada FRETILIN liu husi deputada Nurima Ribeiro Alkatiri hatete, sente triste tebes tanba PN maioria la tau importansia ba igualidade Jenero iha Timor – Leste.

“Hau nudar feto ida ne’ebe durante ne’e servisu mos hanesan atevista ba igualdade Jenero triste tebes tanba iha demostrasaun bo’ot tanba ema maioria iha PN seidauk fo importansia ba feto sira hodi hetan oportunidade ba maluk feto sira hodi hatudu mos sira nia kapasidade,” dehan deputada Nurima ba Jornalista sira iha edifisiu PN.

Nia hatutan, kandidatura feto Maria Exposto ne’ebe bankada rua aprezenta hodi kompete ho Antonio Freitas feto ida ne’ebe servisu mos ba luta libertasaun nasional no mos hanesan mos eis deputada iha uma fukun PN.

Editóra: Agida DOS SANTOS I COPYRIGHT © THETIMORNEWS 2017

LEAVE A REPLY

Please enter your comment!
Please enter your name here