Home dezenvolvimentu PR Lu-OLo Husu AJHN Tau Atensaun Nafatin ba Ai-Horis

PR Lu-OLo Husu AJHN Tau Atensaun Nafatin ba Ai-Horis

52
0
SHARE
Photo: TTN/Fidelio Ramos

By: Fidelio RAMOS

THETIMOR-NEWS.com Dili –Prezidenti Republika (PR) Francisco Guterres Lu-Olo husu ba Asosiasaun Juventude Hadomi Natureza (AJHN) tenki kontinua  tau atensaun  nafatin  ba Ai-Horis iha  teritoriu Timor-Leste hodi indika fatin potesial ba Turizmu.

“ Prezidenti hakarak fo  nia apoiu  husu ami hare didiak Ai-Horis ho  fatin-fatin sira ne’ebe mak merese sai   duni ba fatin potensial  turizmu nian,”dehan Prezidenti Asosisaun Flaviano da Costa ba Jornalista sira hafoin remata sorumutu ho PR Lu-Olo iha Palasiu Prezidensial Bairu-Pite, Dili (22/10/2017).

Nia hatete, durante ne’e AJHN konsege  realiza  ona atividade balun kona-ba sa’e foho no tama fatuk kuak no halo mos sosial kultura kuda Ai-Oan ba iha fatin sira ne’ebe mak sai amesa bo’ot ba populasaun sira nia hela fatin.

Juventude Hadomi Natureza ne’e haktuir, 2014 sira hetan informasaun  husi  komunidade  Munisipiu Baucau parte Venilale kona ba rai besik hektares 10 mak halai. Tanba ne’e sira nia parte tun direitamente iha area ne’eba hodi lori ho ai-oan hamutuk 1000 hodi kuda kedan iha fatin refere.

Asosiasaun hari iha (16/07/ 2017) ho membru hamutuk 39 mai husi estudante universitariu ho prinsipiu hakarak halao aktividade ne’ebe relevante.

Tuir orariu assosiasaun ne’e nian, sei halao aktividade akampamentu nasional juventude iha fulan Novembru tinan ida ne’e, iha Postu Administrativu Bagia Munisipiu Baucau.

Editór: Hortencio SANCHES I COPYRIGHT © THETIMOR-NEWS 2017

LEAVE A REPLY

Please enter your comment!
Please enter your name here