Home nasional PD Garante Programa VII Governu Sei Pasa Iha Faze Daruak

PD Garante Programa VII Governu Sei Pasa Iha Faze Daruak

1145
0
SHARE
Deputada Elvina Sousa. Photo: TTN/Hortencio Sanches

By: Hortencio SANCHES

THETIMOR-NEWS.com, DILI – Bankada PD liu husi Deputada Elvina Sousa hatete, nia parte fiar  programa VII Governu Konstitusional ne’ebe foin lalais Parlamentu Nasional (PN) halo debate la liu hodi haruka fila fali ba governu atu hare’e didiak fila fali, iha faze daruak ne’ebe mak governu haruka sei liu hodi atende ba povu nia moris.

“Agora  programa ne’ebe governu haruka mai ne’e la liu ona, maibe sei iha oportunidade tan ba governu atu lori fila fali programa hirak ne’e iha tempu badak nia laran, tanba ne’e iha faze dala rua ne’e, hau optimista kata sei liu atu nune’e bele hare’e ba povu sira nia moris,” dehan deputada Elvina ba TTN iha edifisiu PN, Segunda (23/10/2017).

Nia hatutan, fiar katak lideransa masimu sira sei tur hamutuk hodi koalia didiak atu tau importansia ba povu nia moris.

Bainhira programa governu nian mak la liu nafatin ida ne’e hanesan vontade politiku nian, maibe tuir nia tenke pasa. “Programa ida ne’e mai dala rua mak la passa tan, ida ne’e vontade politiku maibe hau fiar sei passa”.

Tanba ne’e, nia husu ba povu hotu iha teritoriu Timor laran atu labele trauma ho politiku ne’ebe mak agora lao daudaun fo nafatin konfiansa ba ulun bo’ot sira hodi bele rejolve lalais problema ne’ebe mak agora daudaun akontese.

Editóra: Agida DOS SANTOS I COPYRIGHT © THETIMORNEWS 2017

LEAVE A REPLY

Please enter your comment!
Please enter your name here