Home nasional FRETILIN-KHUNTO Kestiona Eis Ministru Balun Sei Uza Eskoltu

FRETILIN-KHUNTO Kestiona Eis Ministru Balun Sei Uza Eskoltu

60
0
SHARE
Deputadu IV lezislatura sira halao debate iha uma fukun PN. Photo TTN/Hortencio Sanches

By: Hortencio SANCHES

THETIMOR-NEWS.com, DILI – Deputadu bankada FRETILIN, Antonino Bianco husu ba Governu atu kontrola eis membru governu ne’ebe knar hotu ona, maibe sei uza nafatin eskoltu hanesan Polisia Nasional Timor – Leste  (PNTL) hodi fo seguransa nafatin ba sira maski knar hanesan ministru hotu ona.

“Ministru balun ne’ebe mandatu hotu ona laos tan eis titular, maibe sei lori nafatin Polisia hodi fo seguransa nafatin, ne’e labele sa tan deputadu ne’e lei la fo dalan,” deputadu Antonino levanta kestaun ne’e iha Plenaria Parlamentar, Segunda (23/10/2017).

Nia hatutan, bainhira PNTL halo seguransa ba eis ministru sira diak liu halo seguransa ba povu, hodi lao iha dalan atu hare’e situasaun  ne’ebe akontese iha rai laran.

“Ita mai reprezenta povu agora ita husik fali povu sira, ita mak tau fali PNTL sira iha ita nia oin, balun iha ita nia kotuk ne’e lalos, bele demokrasia, maibe demokrasia atu ita mai reprezenta povu laos ita mai reprezenta povu fila tauk fali povu ne’e lalos,” dehan deputadu ne’e.

Iha fatin hanesan Deputadu bankada KHUNTO Luis Roberto hatete, sira lakoi tama iha uma fukun PN atu lori PNTL halo seguransa nafatin bainhira mandatu remata ona.

“Ami hanesan deputadu foun iha uma fukun ida ne’e, lakoi atu tama iha ne’e to mandatu remata lori nafatin Polisia sira hodi fo nafatin seguransa ne’e labele, ita tauk saida ita ne’e reprezenta povu laos mai atu tauk fali povu,” dehan deputadu Luis hodi apoiu ba kestaun ne’ebe deputadu FRETILIN Antonino Bianco hato’o.

Edióra: Agida DOS SANTOS I COPYRIGHT © THETIMORNEWS 2017

LEAVE A REPLY

Please enter your comment!
Please enter your name here