Home ekonomia Aurelio: Fos Folin Sa’e, Salah “Deputadu”

Aurelio: Fos Folin Sa’e, Salah “Deputadu”

52
0
SHARE
Deputadu IV lezislatura sira halao debate iha uma fukun PN. Photo TTN/Hortencio Sanches

By: Hortencio SANCHES

THETIMOR-NEWS.com, DILI – Folin fos ne’ebe sa’e makas iha munisipiu balun, tuir deputadu Bankada  FRETILIN Aurelio Freitas impaktu hosi situasaun politiku iha Parlamentu Nasional (PN) iha diskusaun programa governu nian ne’ebe la pasa, tamba ne’e salah lolos mai hosi “deputadu” sira rasik.

Tamba ne’e, Aurelio Freitas husu ba deputadu hotu iha uma fukun PN atu labele fo sala ba Ministru Komersiu Industria, Antonio da Conceição ba kestaun folin fos sa’e.

“Ita lalika fo sala ba Ministru ne’ebe toma konta ba ida ne’e no dehan emprezariu sira oportunista sira la sala, koalia lolos deit dehan ita mak sala, tanba ita mak halo politiku iha ne’e hodi joga tun joga sa’e atu hamonu governu ida ne’e mak povu sira paniku hodi sai hanesan ne’e,” dehan deputadu Aurelio iha Plenaria Parlamentar Segunda (23/10/2017).

Nia hatutan, bainhira mosu politiku ne’ebe mak tensaun sa’e makas, emprezariu sira mos tenta atu halo espekulasaun ba sira nia negosiu.

“Emprezariu sira halo espekulasaun tanba saida, tanba derepente deit familia ida, fulan ida hola fos karon ida, derepente hola fos iha fulan ida ho karon 20 ba leten, ida ne’e mak emprezariu sira mos aproveita hodi hasa’e sasan folin,” dehan deputadu ne’e.

Edióra: Agida DOS SANTOS I COPYRIGHT © THETIMORNEWS 2017

LEAVE A REPLY

Please enter your comment!
Please enter your name here