Home desportu Prepara Kongresu Nasional, FFTL Hili Electoral Committee no Appeal Committee

Prepara Kongresu Nasional, FFTL Hili Electoral Committee no Appeal Committee

203
0
SHARE
FFTL lidera Kongresu Extra Ordinario hodi hili membru nain 6 prepara ba kongresu Ordinario ne'ebe sei halo iha tinan oin, iha Salaun FFTL Dili, Sabadu (21/10/2017). Photo: TTN/Hortencio Sanches

By: Hortencio SANCHES

THETIMOR-NEWS.com, DILI – Atu prepara no halao kongressu nasional ba Federasaun Futebol Timor – Leste (FFTL) hodi hili estrutura foun, FFTL hili ona Electoral Committee no Appeal Committee ne’ebe hili iu hosi kongressu extra-ordinariu, Sabadu (21/10/2017), iha Xanana Sport Center, Dili.

Komisaun Ezekutivu FFTL sira partisipa hela kongresu Extra Oridinario ne’ebe halao iha slaun FFTL, Sabadu (21/10/2017). Photo: TTN/Hortencio Sanches

Komite rua ne’e (electoral no appeal) hetan aseitasaun maioria ho votos 16 hosi assosiasaun sira ne’ebe sai membru ba FFTL, exeptu Oecusse ne’ebe la marka prezensa iha kongressu extra-ordinariu ne’e.

Membru husi komisaun rua ne’ebe hetan fiar husi Assosiasaun hirak ne’e hodi halao mandate durante tinan 4 nia laran iha FFTL no mos prepara ba aktividade kongresu ordinariu nian.

Membru ne’ebe hili mak hanesan, Electoral Committee mak Aniceto Gouveia (Chairman), Ivan J.S.P. Antonio (Deputy Chairman) no Frederico P. Martins (Member).

Ba Appeal Committee Octavio de Conceição (Chairman), Evangelisto G. Dos Santos Meilana (Deputy Chairman) no Alipio Gonçalves (member).

“Komitte rua ne’e hili ho objektivu atu prepara ba kongressu nasional FFTL, sira mak sei hare’e no rejista kandidatura ne’ebe hakarak kandidata an ba estrutura foun,” esplika Prezidenti interinu FFTL, Osorio Florindo ba jornalista sira.

Eis jornalista senior ne’ebe konesidu iha area desportu nian, Evangelisto G. Dos Santos Meilana senti onra bele hetan konfiansa hosi FFTL hodi tuur iha Komite Appeal nian.

Membru Appeal Committee ne’ebe hli husi Assosiasaun, Evangelisto Santos husi liman los Octaviano Anus. Photo: TTN/Hortencio Sanches

“Nudar Timoroan ita hotu hakarak ita nia futebol lao diak ba oin, buat ne’ebe lao ona iha FFTL diak ka aat ita tenki agradese ba buat ne’ebe iha ona no halo hosi dirijenti FFTL, saida mak la diak ita hotu sei tuur hamutuk hodi deskuti iha kongressu nasional, tamba ne’e prezensa ami nia iha komite, liliu hau iha komite appeal nian ami ne’ebe hamutuk iha komite ne’e sei halao knar tuir estatutu FFTL nian,” dehan Evangelisto ne’ebe konesidu ho naran Gantry.

Total assosiasaun futebol Timor – Leste ne’ebe hamahan an iha FFTL hamutuk 17 kompostu hosi Assosiasaun Futebol Dili Leste, Dili Weste, Baucau, Liquica, Ermera, Oecuse, Viqueque, Manufahi, Aileu, Ainaro, Covalima, Lautem, Manatuto, Bobonaro, Assosiasaun Futebol Femenina, Arbitrazen no Treinador.

Kongresu ne’e, partisipa mos husi komisaun ezekutivo FFTL, mak hanesan Germano da Silva, Terezinha Viegas, Faustino Mascarinhas, Antonio Cardoso, Filomeno Fernandes no vise prezidente mak hanesan Filomeno Soares Francisco Zeronimo Alexo da Silva Gama.

Kongresu extra-ordinariu ne’e diriji hosi Sekretariu Jeral FFTL, Nelio Isaac Sarmento no loke deretamente hosi Diretor Nasional Desportu Nasional Joao Rodrigues.

Hola prezensa mos iha kongresu extra-ordinariu Prezidente CDTL Afranio Amaral no reprezentante CONTL, Mateus da Cruz.

Hahu husi tinan 2002 FFTL  lidera husi Francisco Kalbuadi Lay durante tinan hirak nia laran no nia termina nia mandate iha tinan 2016 hodi intrega hikas kanra hanesan prezidente ba Osorio Florindo ne’ebe agora daudaun  assume kargu hanesan Sekretariu Estadu Desportu Promosaun Alta Kompetisaun (SEDPAK) iha  VII Governu Konstituisaun.

Edióra: Agida DOS SANTOS I COPYRIGHT © THETIMORNEWS 2017

LEAVE A REPLY

Please enter your comment!
Please enter your name here