Home nasional FRETILIN-PD Kontinua Mensazen ba Estabilidade

FRETILIN-PD Kontinua Mensazen ba Estabilidade

1796
0
SHARE
Deputada bankada FRETILIN Nurima Ribeiro Alkatiri. Photo: TTN/Hortencio Sanches

By: Hortencio SANCHES

THETIMOR-NEWS.com, DILI – Relasiona ho Mosaun Rejisaun ne’ebe hato husi bankada opozisaun maioria parlamentar ne’ebe nakfilak ba Aliansa Maioria Parlamentar (AMP) hodi vota kontra programa ne’ebe aprezenta husi governu ne’ebe lidera husi Primeiro Ministro Mari Alkatiri, maibe partidu koligasaun FRETILIN no PD deklara sei mantein estabilidade no la hanoin atu kria instabilidade iha nasaun ne’e.

Nurima R Alkatiri. Photo: Facebook/ Nurima

Bankada FRETILIN liu husi deputada Nurima Ribeiru Alkatiri hatete, akontese ba oin governo no Parlamentu sei servisu nafatin hodi buka dalan oinsa atu garante nafain estabilidade iha Timor – Leste.

“Hanesan PM hatete ona agora daudaun tama ba governu jestaun ba oin ami sei servisu makas atu nune’e bele kira dame no paz iha ita nia rain,” dehan deputada Nurima Alkatiri ba THETIMOR-NEWS iha edifisiu PN, Sesta (20/10/2017).

Hare ba intensaun ne’ebe mosu husi AMP atu forma VIII Governu deputada ne’e eslika, partidu opozisaun sei labele atu forma governu tanba dalan laiha.

“Dalan laiha ba opozisaun atu kaer governu tanba konstituisaun la fo dalan para ita  atu troka malu deit ukun ne’e, laos hanesan ita nia uma privadu ne’ebe tur ba baruk ona intrega fali ba ema seluk ne’e lae,” dehan Nurima.

Tanba ne’e, tuir nia kona ba moasaun ne’ebe hatam ba PN hodi vota kontra programa governu nian kondsidera hanesan opozisaun iha ambisaun hakarak hadau ukun tanba rejisaun ne’ebe hatam la tuir programa ne’ebe mak iha.

Nia hatutan, se kuandu parte opozisaun hakarak buka hadau poder diak liu fo fila ba povu mak deside.

Iha sorin seluk Xefe bankada PD Maria Tereza Gusmao afirma programa governu la pasa ona iha uma fukun PN ne’e duni  prosesu ba oin sei akompaina deit husi konstituisaun foin bele hatudu dalan ne’ebe mak los atu lao ba.

“Agora governu nia programa la liu ona entaun sei iha tempu tan ba governu atu lori tan programa sira mai dala  ida tan atu debate maibe PM  rasik deklara ona nia  sei la lori tan program aba dala 2, tanba ne’e kompetensia partidu mak sei hare fila  fali ba kestaun ne’e,” dehan deputada Maria Gusmao.

Partidu opozisaun ne’ebe forte iha PN hamutuk kadeira 35 kompostu husi CNRT, PLP no KHUNTO, Partidu koligasaun governu iha PN hamutuk kadeira 30, mai husi FRETILIN no PD.

Maski nune’e, tuir informasaun ne’ebe espalla AMP  iha ona Governu sombre hodi prepara ba VIII Governu konstituisaun.

Editóra: Agida DOS SANTOS I COPYRIGHT © THETIMORNEWS 2017

LEAVE A REPLY

Please enter your comment!
Please enter your name here