Home dezenvolvimentu Assanami: Utilizasaun Rekusu Minerais Tenke Benefisiu ba Povu

Assanami: Utilizasaun Rekusu Minerais Tenke Benefisiu ba Povu

35
0
SHARE
Ministru Estadu no Ministro Rekursos Minerais, Mariano Assanami Sabino. Photo TTN/Hortencio Sanches

By: Hortencio SANCHES

THETIMOR-NEWS.com, DILI – Ministru Estadu no Ministru Rekursos Minerais Mariano Assanami Sabino hatete, Timor – Leste hanesan illa ida ne’ebe iha rikusoin barak tebes iha rai maran no tasi laran hanesan Minerais no seluk tan bainhira utiliza tenke benefisu ba Povu hotu.

“Rekursus minerais kaer metin nafatin nia sustentabilidade ida ne’ebe ba nia jestaun no prinsipiu seluk mak tenke iha integridade, kreabilidade maibe utilizasaun no jestaun tenke benefisiu ba povu tomak tanba rikusoin ne’ebe iha Timor – Leste ema hotu nian,” dehan Ministru Assanami iha diskusaun programa VII Governu ba loron da-hat iha uma fukun Parlamentu Nasional (PN), Kinta (19/10/2017).

Nia haktuir tuir dadus estrateziku ne’ebe iha kona ba area rekursu minerais nian, hatudu katak Timor – Leste iha nia rikusoin ne’ebe mak iha, ho nune’e nia husu atu kaer dadus hirak ne’e ho diak atu nune’e, ema seluk labele hatene rikusoin ne’ebe mak nasaun ne’e iha.

“Tuir dadus estrateziku ne’ebe mak iha sei labele fo arbiru ba ema, atu nune’e ema labele hatene arbiru ita nia rikusoin hirak ne’ebe mak agora iha ita nia rai laran no tasi laran, tanba iha dadus ne’ebe hatudu ita nia rain iha duni rikusoin oi-oin,” dehan Assanami.

Tanba ne’e, nia promote sei halo jestaun ne’ebe diak hodi dezenvolve rikusoin hirak ne’ebe iha hodi lori Timor- Leste ba oin diak liu tan ho rikusoin ne’ebe mak iha.

Iha sori seluk deputadu bankada PLP Mericio Juvinal dos Reis afirma, VII governu nia planu ba rekursu minerais diak tebes maibe, nia husu ministeriu ne’ebe tutela tenke buka meius oinsa hodi bele aprova tiha lei rekursu minerais nian iha PN, tanba lei kona ba ne’e seidauk aprova.

Nia hatutan bainhira lei ne’e aprova ona mak ministru sei halao nia servisu hodiak no tama iha kategoria legal no la illegal.

“Kona ba ida ne’e hau hanoin diak, maibe ministru mak tenke esforsu para hodi bele aprova tiha lei kona ba rekursu minerais nian iha PN, durante ne’e sira halo buat ne’e depende deit ba ministru nia dezisaun, maibe agora atu forte liu tan lei ne’e tenke mai aprova iha PN,” dehan deputadu Mericio Acara.

Edióra: Agida DOS SANTOS I COPYRIGHT © THETIMORNEWS 2017

LEAVE A REPLY

Please enter your comment!
Please enter your name here