Home nasional PN Haruka Fila Programa VII Governo, PM Alkatiri Hamonu Mata Wen

PN Haruka Fila Programa VII Governo, PM Alkatiri Hamonu Mata Wen

134
0
SHARE
Deputadu sira hit sae kartaun mean no matak hodi vota ba mosaun rejisaun ne'ebe hatam husi bakada opozisaun iha PN, Kinta (19/10/2017). Photo TTN/Hortencio Sanches

By: Hortencio SANCHES

THETIMOR-NEWS.com, DILI – Primeiro Ministro (PM) Mari Alkatiri hamonu mata wen iha uma fukun Parlamentu Nasional (PN) bainhira deputadu 65 halo votasaun ba ba Mosaun Rejeisaun ne’ebe, deputed 35 vota afavor 30 kontra no abstensaun 0 hatudu katak PN haruka fila programa ne’ebe durante ne’e debate fila fali ba governu.

Tanba ne’e, PM hatete, nia sei ezerse nia knar hanesan PM durante fulan hirak nia laran tan tuir konstituisaun haruka no nia promote sei la lori fila tan programa governu nian ba PN.

“Hau promote iha fatin ida ne’e, hau sei la lori tan programa mai iha fatin ida ne’e,” dehan PM Alkatiri ba Jornalista sira hafoin remata votasaun ba programa VII governo, Kinta (19/10/2017).

Nia hatutan, hahu husi ne’e ba oin nia sei intrega fali knar PM ba nia ministru estadu balun, atu nune’e nia tun ba baze koalia ho povu sira kona ba programa ne’ebe nia lori ba PN deputadu sira vota kontra.

“Komesa husi ohin hau rai ona hau nia kareta PM nian hodi sae fali hau nia kareta tuan ne’ebe durante ne’e hau uza, hahufim de semana ida ne’e haut un ba baze ona hahu husi Oecuse hafoin ba fali fatin seluk,” dehan PM Alkatiri.

Iha biban ne’e, nia husu ba povu Timor tomak atu tur hakmatek iha ida-idak nia nia uma tanba situasaun politiku mak hanesan ne’e.

“Husu ba povu tomak atu tur hakmatek, hau sei tun ba imi hodi koalia hoi mi,” dehan Alkatiri.

Mosaun rejeisaun ne’e hatama husi bankada opozisaun, CNRT, PLP no KHUNTO ne’ebe asentu parlamentar hamutuk kadeira 35.

Intensaun husi parte opozisaun nia hatudu katak la fo konfiansa ba governu refere no sira rasik hamutuk iha semana hirak liu ba kotuk hamosu Aliansa Maioria Parlamentar (AMP) atu nune’e governu ne’e monu sira hahu ukun kedas.

Hafoin remata Jornalista tenta atu konfirma ho deputadu sira husi opozisaun atu hato sira nia mensazen ba povu maibe sira rasik nonok no la fo sai mensazen ruma ba povu atu garante naftin estabilidade.

Editóra: Agida DOS SANTOS I COPYRIGHT © THETIMORNEWS 2017

LEAVE A REPLY

Please enter your comment!
Please enter your name here