Home nasional PM Alkatiri Duvida, AMP Kontra Partidu ou Kontra Ema

PM Alkatiri Duvida, AMP Kontra Partidu ou Kontra Ema

322
0
SHARE
PM Mari Alkatiri. Photo: TTN/Hortencio Sanches

By: Hortencio SANCHES

THETIMOR-NEWS.com, DILI – Primeiro Ministro (PM) Mari Alkatiri hatete, bloku Opozisaun hamosu Aliansa Maioria Parlamentar (AMP) iha Parlamentu Nasional (PN) atu kontra Partidu ou Kontra ema ida.

PM Alkatiri esplika hela programa VII Governu ba deputadu sira iha PN, Segunda (16/10/2017). Photo: TTN/Hortencio Sanches

PM Alkatiri hato lia hirak ne’e iha Plenaria Parlamentar tanba, debate programa setimu governu hala’o loron tolu ona maibe Bloku Opozisaun ne’ebe nakfilak ba AMP laiha entendimentu.

“Diskusaun programa governu da-hituk durante loron tolu nia laran iha Parlamentu Nasional (PN) maibe laiha entendimentu husi AMP, karik imi kontra partidu atu ukun ka kontra ema ida, sé ha’u mak sala ha’u prontu hatan,” dehan PM Alkatiri iha PN, Kuarta,(18/10/2017).

Nia hatutan, kuandu AMP foti dezisaun makas hodi kontra programa governu nian tenke presiza klarifika  razaun saida no bele hato liu husi proposta atu bele konvense.

“Ha’u la husu sasan barak, programa la konsistensia mak ne’ebe no ida la koerente presiza ita bo’ot sira halo proposta atu sai koerente,” dehan PM Alkatiri.

Hare ba tensaun politiku husi PM Alkatiri sae makas hodi dehan, se karik Negosiador Prinsipal Delimitasaun Fronteira Maritima, Kayrala Xanana Gusmão mak prezensa iha ne’e mós nia bele tuku meza.

“Maibe nia mai, ha’u sei buka meius hodi koalia ho nia atu ami bele halo konferénsia ida hodi esplika tanba saida mak partidu Fretilin halo koaligasaun deit ho PD,” dehan Alkatiri.

Nia haktuir, antes ne’e nia parte rona ona informasaun barak  kona ba se mak obriga se no se mak  dada se iha prosesu politiku ne’e.

“Molok ne’e, ha’u rona informasaun barak katak sé mak obriga se no se mak dada se, tanba ne’e,  Ha’u hein Prezidente Partidu CNRT,  Kayrala Xanana Gusmão kuandu fila mak ha’u koalia ho nia,” dehan nia.

Nia afirma, sei la gosta koalia kuandu lider masimu Xanana Gusmão laiha nia sorin ho nune’e nia sei mantein pozisaun to lider ne’e fila husi Portugal.

Xefe bankada Khunto Luis da Silva. Photo TTN/Hortencio Sanches

Ihafatin hanesan, Prezidente Bankada KHUNTO, Luis Roberto da Silva haktuir, AMP laiha intensaun atu kontra programa, programa hotu-hotu ne’ebe mak hato husi VII Governu Konstitusional.

Tuir nia programa ne’ebe mak governu aprezenta atu responde duni ba povu nia nesisidade.

 “Programa sira hotu ne’e diak atu responde duni ba povu nia nesesidade, maibe ami so kontra deit mak governu minoria mak hakarak kaer governu ne’e kontra ona ita nia lei inan ne’ebe mak vigora iha Timor – Lete,” dehan deputadu Luis.

Edióra: Agida DOS SANTOS I COPYRIGHT © THETIMORNEWS 2017

LEAVE A REPLY

Please enter your comment!
Please enter your name here