Home nasional Lere Preokupa Situasaun Politiku Iha PN

Lere Preokupa Situasaun Politiku Iha PN

139
0
SHARE
Maijor General Lere Anan Timur. Photo: google.com

By: Fidelio RAMOS

THETIMOR-NEWS.com DILI – Xefe Estadu Maior Das Forsas Armadas  F-FDTL Lere Anan Timur preokupa makas  kona ba situsaun  politika ne’ebe la’o hela iha uma fukun Parlamentu Nasional (PN) durante loron hirak nia laran, liu husi diskusaun ba programa ne’ebe aprezenta husi VII Governo Konstitusional.

“Ohin hau mai hato’o hau nia prekupasaun, tanba Ita hotu akompaina loron hirak liu ba, agora ita hare iha parlamentu ne’eba ita nia nai ulun  no ukun nain sira diskuti hela distinu povu no nasaun ne’e  nian, maibe ita hare katak sira la  intende malu problema, tanba ne’e ita bele  dehan katak ne’e demokrasia maibe tenki hanoin ho pensamentu,” dehan Lere ba Jornalista sira iha hafoin remata sorumutu ho Prezidenti Republika (PR) Francisco Guterres Lu-Olo iha Palasiu prezidensial Bairu-Pite Dili, Kuarta (18/10/2017).

Eis Guirilleiru ne’e afirma, lakoi atu nasaun ne’e monu tan ba krize politiku hanesan tian hirak liu ba kotu, no hakarak nasaun ne’e morisiha estabilidade nia laran.

Nia hatutan, bainhira VII governu monu buat hotu sei paradu total  no makina hotu mos sei la funsiona.

“Governu monu buat hotu la la’o, estadu funsiona so lori osan mak funsiona se governu monu funsionariu hotu fila ba nia uma deit ona tanba laiha osan no  husi ami  parte seguransa nian  atu rezolve governu ida monu ne’e mos araska oitaoan,”dehan Lere.

Nia hatete, bainhira kuandu eleisaun antisipada mosu nia konsikuensia sei sai bo’ot oitoan, tanba ne’e husu ba funsionariu hotu tenki fila ba ida-idak nia hela fatin hodi tur hakmatek.

Ho nune’e nia husu ba lider partidu limahanesan FRETILIN,CNRT,PLP,PD no KHUNTO, tenki hamutuk hodi kria solusaun ruma bainhira mosu krizi institusional politiku.

Hare ba aparelu hotu mak paradu funsionariu hotu mos sei  la simu osan, ida ne’e lider husi partidu lima ne’e  halo hanusa no oinsa bele resposta ba situsaun ida hanesan ne’e kuandu mosu iha nasaun.

Ho ne’e apela ba lider historiku osan mean nian  nanahanesa Kay Rala Xanana Gusmao, Mari Alkatiri, Premiu Nobel da Paz Jose Ramos Horta, hamutuk  nafatin hodi banati tuir kultura tradisaun  rezistensia hodi lori nasaun ne’e ba iha dezenvovimentu hodi povu  moris iha hakmatek.

Edióra: Hortencio SANCHES I COPYRIGHT © THETIMORNEWS 2017

 

LEAVE A REPLY

Please enter your comment!
Please enter your name here