Home nasional Juiz Sai Profesional la Presiza Transforma Sentru Formasaun Jurídiku

Juiz Sai Profesional la Presiza Transforma Sentru Formasaun Jurídiku

607
0
SHARE
Deputada Carmelita Moniz. Photo: Facebook Carmelita Moniz.

By: Hortencio SANCHES

THETIMOR-NEWS.com, DILI – Deputada Bankada CNRT, Carmelita Moniz hatete, atu forma Juiz Timoroan sira sai profisional la presiza transforma Sentru Formasaun Jurídiku ba Eskola Verdadeira Direitu.

Deputada Carmelita Moniz husi klaran liman karuk deputadu Natalino dos Santos halao hela diskusaun ba programa ne’ebe aprezenta husi VII Governu Konstitusional, Segunda (16/10/2017). Photo: TTN/Hortencio Sanches

“Ha’u la dehan PM, Mari Alkatiri atu halakon kursu direitu maibé iha programa governu ne’e atu transforma Sentru Formasaun Jurídiku ba Eskola Verdadeiru Direitu fali, tanba ne’e atu profesionaliza Juiz Timoroan sira la’os atu halo transformasaun fali,” dehan deputada Carmelita Moniz ba THETIMORNEWS iha Parlamentu Nasionál (PN), Kuarta (18/10/2017).

Tuir esplikasaun ne’ebe PM Alkatiri esplika ona atu aumenta tan kursu hodi hasae profesionalismu Juiz sira nian tuir area espesialidade sira ida-idak nian, tuir nia ida ne’e tenke halao duni.

Tuir nia, lolos VII Governu tenke hametin deit, sentru formasaun Juridiku ne’ebe iha kualidade no profisional iha sira nia area rasik hodi hasae kapasidade Juridiku hotu nian.

“Ita laos kahur fali kursu eskola verdadeiru de Direito hamutuk fali ho sentru formasaun, se nune’e iha fali dualizmu ida, ne’e mak la tama hau nia lozika, maibe PM esplika mai hau buat ketak ida fali, hodi la responde hau nia preokupasaun ida ne’e maibe la iha buat ida,” dehan deputada Carmelita.

Hakarak Juiz Timoroan sira profesionál presiza hametin de’it Sentru Formasaun Juridiku atu bele adekuadu, efisiente no efikasia iha sira nia área espesialidade.

Edióra: Agida DOS SANTOS I COPYRIGHT © THETIMORNEWS 2017

 

LEAVE A REPLY

Please enter your comment!
Please enter your name here