Home nasional CNRT Duvida Programa VII Governu la Realistiku

CNRT Duvida Programa VII Governu la Realistiku

129
0
SHARE
Deputada Carmelita Moniz husi klaran liman karuk deputadu Natalino dos Santos halao hela diskusaun ba programa ne'ebe aprezenta husi VII Governu Konstitusional, Segunda (16/10/2017). Photo: TTN/Hortencio Sanches

 By: Hortencio SANCHES

THETIMOR-NEWS.com, DILI – Bankada CNRT liu husi deputada Carmelita Moniz hatete, programa ne’ebe governu aprezenta iha Parlamentu Nasional (PN) sai haesan duvida ida ba sira iha area justisa nian, tanba iha programa hatete sei hari Tribunal tuir Konstitusional haruka.

Deputada Carmelita Moniz. Photo: Facebook Carmelita Moniz.

Tanba ne’e, nia husu governu tenke hari Tribunal supremiu Justisa, Tribunal Fiskal ba Kontas no Tribunal Militar, iha tinan 5 nia laran ne’e realistiku ou lae.

“Programa sira hanesan ne’e realistiku ka lae, Tribunal 3 ne’e mos ezizi Juiuz publiku espesializadas, iha tinan 3 ita bele forma juiz prokutrador sira hotu bele ka lae,” dehan deputada Carmelita ba THETIMOR-NEWS iha edifisiu PN, Kuarta (18/10/2017).

Tuir nia programa hirak ne’ebe, governu hato ba PN balun diak maibe balun sira konsidera la realistiku tanba imposibel governu bele halo hotu programa ne’ebe luan bo’ot iha tinan 5 nia laran.

Nia hatutan, iha Tribunal Militar tenke iha lei no prosesual ba fiscal kontas no Juiz mos tenke ketak husi Juiz ne’ebe servisu iha Tribunal sira seluk.

Ho nune’e, nia konsidera katak, governu halo programa maibe la realidade ho situasaun ne’ebe mak agora daudaun iha.

“Tuir lolos ita tenke prepara lai ita nia Juiz sira, hanesan lori lai sira ba treinamentu ida ne’ebe adekuadu lai, hanesan uluk planu ne’ebe governu anterior halo, hadia be-beik ba be-beik iha sentru formasaun ba ita nia Juiz sira hodi dezenvolve ita nia operadores da justisa sira nia koinesimentu mak foin bele hanoin hari Tribunal,” dehan Carmelita.

Edióra: Agida DOS SANTOS I COPYRIGHT © THETIMORNEWS 2017

LEAVE A REPLY

Please enter your comment!
Please enter your name here