Home nasional Horta Husu Deputadu Hotu Kolabora ho PM Alkatiri

Horta Husu Deputadu Hotu Kolabora ho PM Alkatiri

454
0
SHARE
Jose Ramos Horta. Photo: Media PR

By: Hortencio SANCHES

THETIMOR-NEWS.com, DILI – Realsiona ho debate programa VII Governu nian ne’ebe halao iha Parlamentu Nasional (PN) hatudu katak deputadu Opozisaun sira  iha nafatin hanoin atu  vota kontra ba programa ne’ebe mak agora daudaun governu aprezenta, Ministru Estadu no Konsellero Seguransa Nasional Jose Ramos Horta husu ba deputadu sira hotu tenke iha hanoin no kolabora ho Primeiro Ministru (PM) Mari Alkatiri hodi halo dezenvolvimentu ba povu tomak.

“Imi deputadu sira hotu kolabora mai hau ho maun Mari ba, iha governasaun ida ne’e. Tanba iha tinan 2022, estadu ne’e sei intrega ba jerasaun foun mak sei kaer,” dehan Ramos Horta iha Plenaria Parlamentar PN, Tersa (17/10/2017).

Lider jerasaun tuan ne’e afirma, bainhira iha tinan 2022 mak sira lideransa 74-75 la intrega ukun ne’e ba jerasaun foun mak sira sei falladu total.

 “2022 estadu ne’e intrega ona ba ita bo’ot sira ho estadu ida ne’ebe metin no forte no ekonomia ida ne’ebe la depende 94% ba mina no gas no hakarak estadu ne’ebe jerasaun foun sira kaer tenke metin  no forte,” dehan Ramos Horta.

Editór: Agida DOS SANTOS I COPYRIGHT ©THETIMORNEWS 2017

LEAVE A REPLY

Please enter your comment!
Please enter your name here