Home dezenvolvimentu Bloku Opozisaun Susar Fo Konfiansa ba VII Governu

Bloku Opozisaun Susar Fo Konfiansa ba VII Governu

298
0
SHARE
Xefe bankada Khunto Luis da Silva. Photo TTN/Hortencio Sanches

By: Hortencio SANCHES

THETIMOR-NEWS.com, DILI – Bankada Opozisaun liu husi Xefe bankada KHUNTO Luis Roberto da Silva hatete, programa VII Governu ne’ebe sira simu hare liu-liu iha area seguransa nian hatudu katak governu refere laiha loialidade hodi fo esplikasaun ne’ebe klaru oinsa tu hasae kapasidade forsa defeza  no seguransa nian.

Membru Unidade Patrollamentu Fronteira (UPF). Photo: Google

“Iha programa Governu nian temi kona ba seguransa koperativa hodi haforsa konfiansa hotu entra estadu, no deklarasaun Ministru Defeza no Seguransa nian katak atu koloka F-FDTL mak iha Fronteira, ida ne’e hatudu katak governu laiha intende los buat saida mak ita planu,” dehan deputadu Luis iha Plenaria Parlamentar, Tersa(17/10/2017).

Tanba ne’e, nia konsidera governu sira laiha ezekuta halo didiak programa hodi hatama ba dokumentu ne’ebe mak agora iha no sei halo fali buat seluk ne’ebe la tuir dokumentu ne’ebe mak sira atu aprova.

Ho nune’e, nia deklara katak, programa VII Governu ne’ebe mak iha halo sira konfujaun tebes, nune’e bele halo sira susar atu halo aprovasaun.

PM Alkatiri esplika hela programa VII Governu ba deputadu sira iha PN, Segunda (16/10/2017). Photo: TTN/Hortencio Sanches

Hatan ba kestaun ne’e, Primeiru Ministru Alkatiri afirma, programa hotu-hotu ne’ebe iha bazeia ba artigu 108 konstiuisaun RDTL.

Relasiona ho halo mudansa ba membru PNTL husi Fronteira hodi tau fali F-FDTL iha fatin ne’eba, PM Alkatiri esplika, ida ne’e sei iha planu politiku.

“Kona ba muda UPF husi Fronteira ne’e palnu politika, maibe ministru Defeza mesak deit labele foti dezisaun hodi muda UPF sira husi Fronteira,” dehan PM Alkatiri.

Editór: Agida DOS SANTOS I COPYRIGHT ©THETIMORNEWS 2017

LEAVE A REPLY

Please enter your comment!
Please enter your name here