Home desportu Manan Santa Cruz 3-0, DIT Hakat ba Semi Final

Manan Santa Cruz 3-0, DIT Hakat ba Semi Final

57
0
SHARE
Ekipa DIT FC. Photo: Media LFA

By: Hortencio SANCHES

THETIMOR-NEWS.com, DILI – Klubu DIT FC hakata ba semi final iha jogu kopa 12 de Novembru epoka 2017, bainhira halakon ekipa Santa Cruz FC ho eskoru 3-0 iha kampo futebol FFTL Dili, Sabado (14/10/2017).

Golu ne’ebe ekipa DIT hetan hodi sai vitoria ba jogu refere, marka husi Jogador Jose Santos numeru kamijola 7 iha minutu 24-25 no Ricardo Mendonca numeru kamijola 10 minutu 34.

Iha fatin hanesan Treinador DIT Manuel da Costa hatete, maski sira manan maibe hanesan mos triste ida tanba, nudar treinador nia tenke buka meius oinsa bele fo treinu ne’ebe diak ba jogador sira hodi hasoru jogu ne’ebe tuir mai.

“Iha jogu ne’e ami manan maibe manan ho triste tanba jogu ba semi final ne’e laos fasil maibe defisil uitoan entaun hau tenke prepara hau nia jogador sira ho diak,” dehan Treinador DIT ne’e.

Iha sorin seluk Treinador Santa Cruz, Joao Campos ba Jornalista sira katak, sente triste tanba nia ekipa derota, maibe realidade jogu mak sai hanesan ne’e, hakarak ka lakoi tenke simu realidade.

“Ohin ami lakon tanba jogador sira ladun kontrola bola ho diak, maibe pronto jogu tenke hanesan ne’e, sempre iha ida manan no ida lakon,” dehan Joao Campos.

Maski derota iha kopa 12 de Novembru tinan ida ne’e maibe nia promote ba oin nia  sei prepara diak liu tan nia ekipa hodi kompete fila fali iha tinan oin ho diak.

Editór: Hortencio SANCHES I  COPYRIGHT © THETIMORNEWS 2017

LEAVE A REPLY

Please enter your comment!
Please enter your name here