Home nasional Hari AMP, CNRT PLP KHUNTO Kesi An Iha Plataforma

Hari AMP, CNRT PLP KHUNTO Kesi An Iha Plataforma

86
0
SHARE
Lideransa husi Partidu CNRT, PLP no KHUNTO asina plataforma ba AMP iha Hotel Jilvila Aimutin Dili, Kinta (12/10/2017). Photo: TTN/Hortencio Sanches

By: Hortencio SANCHES

THETIMOR-NEWS.com, DILI –  Partidu CNTRT, PLP no KHUNTO iha konkordansia ne’ebe metin ona hodi prepara ba VIII Governu konstitusional bainhira VII Governu monu iha dalan klaran, hare ba bankada ne’ebe husi partidu koligasaun minimu iha Parlamentu Nasional (PN) ho kadeira 30 no opozisaun kadeira 35.

Xefe bankada CNRT Arao Noe. Photo:TTN/Hortencio Sanches

Tanba ne’e partidu tolu (3) ne’ebe opozisaun foti dezisaun hodi hamutuk forma Aliansa Maioria Parlamentar (AMP), tanba sira rasik la garantia governu agora daudaun lidera husi Primeiru Ministru (PM) Mari Alkatiri sei la dura to tinan lima.

Objetivu forma AMP razaun atu minimiza eleisaun antisipa karik VII Governu falla, baihira deputadu opozisaun sira vota kontra programa ne’ebe mak tama ba PN.

Assinatura plataforma ne’e, halo iha Hotel Jilvila Aimutin Dili, Kinta (12/10/2017)  paretisipa husi lideransa CNRT, Sekretariu Jeral Francisco Kalbuadi Lay, Xefe bankada Arao Noe no kuadrus partidu, PLP partisipa husi Vise Prezidente Fidelis Magalhaes ho nia kuadrus partidu, KHUNTO Konsilleru Masimo Jose dos Santos Naimori Bucar, Xefe bankada Luis Roberto da Silva no kuadrus partidu.

Hafoin remata asina plataforma Xefe bankada CNRT Arao Noe esplika, Pardidu CNRT halao politika bazeia ba estrutura no politika partidu nian ne’ebe mak estabelese ona.

“Ho plataforma ne’ebe mak assina ohin atu hatudu ba publiku katak asaun ne’ebe halo laos bankada mak halo maibe husi autorizasaun partidu politiku nian mak hamosu asaun ida ohin ne’e,” dehan deputadu Arao Noe.

Xefe bankada PLP Fidelis Magalhaes. Photo: TTN/Hortencio Sanches

Entretantu deputadu ne’e, la esplika detallu kona ba plataforma husi hamosu AMP ne’e, maibe iha paltaforma laran mesak programa husi partidu 3 nian ne’ebe mak bainhira lidera VIII Governu sei implementa.

Iha fatin hanesan, Fidelis Magalhaes hatete, asaun ne’ebe sira halo laos mosu problema mak halo maibe atu hametin liu tan politiku bankada PN ne’ebe konstituisaun haruka.

“Assaun ne’ebe ami halo laos tanba assaun problema maibe, assaun ne’e mosu tanba hanesan responsabilidade kabe husi partidu poliktiku sira ne’ebe maioria iha PN atu konserta sira nia politika hodi lori dezenvolvimento moris diak ba povu,” dehan Fidelis.

Nia afirma, atu halo moris diak ba povu iha PN tenke apoiu mairia ba programa sira ne’ebe aprezenta husi Governo hare ba realidade iha PN opozisaun maioria bankada hirak ne’e hamosu assaun refere.

Editóra: Agida DOS SANTOS I COPYRIGHT © THETIMORNEWS 2017

LEAVE A REPLY

Please enter your comment!
Please enter your name here