Home dezenvolvimentu UN WOMEN Hasoru PM Alkatiri, Deskute Apoiu Nafatin Sira Nia Misaun Iha...

UN WOMEN Hasoru PM Alkatiri, Deskute Apoiu Nafatin Sira Nia Misaun Iha TL

35
0
SHARE

By: Hortencio SANCHES

THETIMOR-NEWS.com, DILI – Head of Office United Nations Entity For Gender Equality and the Empowerment of Women (UN WOMEN) Sunita Caminha  Kuarta (11/10/2017) hasoru malu ho Primeiru Ministro (PM) Mari Alkatiri koalia kona ba governu nia pozisaun apoiu nafatin sira nia misaun servisu hamutuk, hodi apoiu ba servisu konbate violensia hasoru feto iha Timor – Leste.

“UN WOMEN organizasaun ida ne’ebe Nasoes Unidas nian ne’ebe servisu hamutuk ho Governo Timor – Leste hodi promove igualdade generu, entaun agora governu foun ami husu atu reforsa no fo kolaborasaun nafatin ba servisu ida ne’e,” dehan Sunita Caminha ba Jornalista sira iha Palasio Governo.

Nia esplika, durante organizasaun ne’e servisu ho governu Timor – Leste iha area oi-oin mak sira halo mak hanesan hakbit feto iha area ekonomia, servisu ba hodi hamenus violensia hasoru feto no mos promove igualdade generu.

Nia haktuir, bainhira hasoru malu ho PM Alkatiri hetan rejultadu ne’ebe mak kapas tebes. Ne’e duni nia fiar katak Timor – Leste iha komprimisiu barak hodi promove igualdade genero.

“Ita hare iha Timor – Leste iha mudansa barak tebes iha partisipasaun feto nian iha aspeitu oi-oin no ita sei kontinua nafatin, tanba mensazen husi PM katak ami sei kontinua servisu hamutuk nafatin ba oin,” dehan Sunita.

Editóra: Agida DOS SANTOS I COPYRIGHT © THETIMORNEWS 2017

LEAVE A REPLY

Please enter your comment!
Please enter your name here