Home nasional Soomocho: Konflitus Mosu Tanba Sosiedade Laiha Respeita Malu

Soomocho: Konflitus Mosu Tanba Sosiedade Laiha Respeita Malu

44
0
SHARE
Ministru Defesa Seguransa Soomocho. Photo: TTN/Fidelio Ramos

By: Hortencio SANCHES

THETIMOR-NEWS.com, DILI – Ministru Defeza no Seguransa Agustinho Siquera Soomocho hatete, dalabarak konflitus mosu tanba sosiedade laiha respeita malu no seidauk mos konpriende diak kona ba lei ne’ebe mak iha.

Tuir nia bainhira Sosiedade kompriende ona lei kona ba oinsa mak respeita malu, nune’e konflitu sei la akontese tan.

“Konflitus sira ne’e mosu tanba dala barak ema lahatene, o nia fatin iha ne’ebe hau nia fatin iha ne’ebe, entaun sosiedade sira hanesan agora ne’e presiza respeita malu no edukasaun hodi bele regula,” dehan Ministru Soomocho ba Jornalista sira iha edifisiu Palasiu Governo, Tersa (10/10/2017).

Tanba ne’e, nia husu ba sosiedade Timor – Leste tomak atu kontribui ba estabilidade atu nune’e nasaun bele moris iha paz no dame nia laran.

Maski nune’e, oras ne’e daudaun joven sira iha kapital Dili komesa la respeita malu hodi kria konflitus to oho malu kanek no mate.

Hare ba situasaun ne’e, Ministru Defeza no Seguransa afirma, kuandu situasaun konflitus mosu manas  ona iha sidade laran nia parte sei hatun military hodi halo atuasaun maibe laos ba tiru.

“Kuandu Polisia sira halo atusaun labele ona tenke hatun militar atu halo atuasaun maibe laos atu hatun hodi ba tiru maibe hatun atu ajuda Polisia tau arden publiku,” dehan Soomocho.

Editóra: Agida DOS SANTOS I COPYRIGHT © THETIMORNEWS 2017

LEAVE A REPLY

Please enter your comment!
Please enter your name here