Home desportu 21 Outubru FFTL Realiza Kongresu Extra Ordinariu

21 Outubru FFTL Realiza Kongresu Extra Ordinariu

59
0
SHARE

By: Hortencio SANCHES

THETIMOR-NEWS.com, DILI – Federasaun Futebol Timor – Leste (FFTL) sei realiza kongresu extra ordinariu ho ajenda uniku ne’ebe nomeia komisaun 2 hanesa eleitoral komity, hanesan komisaun ida ne’ebe organiza kongresu no komisaun ida atu legaliza kongresu.

Prezidente interino FFTL Osorio Florindo. Photo: Google

Prezidente interinu FFTL Osorio Florindo afirma, kongresu extra ordinariu ne’ebe atu halo laos hili estrutura maibe kongresu ne’e, atu aprova komisaun rua refere hodi servisu ba kongresu ordinariu ne’ebe mak sei halao iha 20 Janeiro 2018.

Komisaun rua ne’e, kompostu membru hamutuk 6 ne’ebe sei reprezenta mos FFTL iha AFC no FIFA hodi aprejenta, FFTL iha ona komisaun atu halo kongresu extra ordinariu.

“Kongresu ne’ebe mak ami atu halo ne’e, laos atu hili estrutura maibe atu aprova komisaun rua ne’e, hodi prepara servisu ba kongresu ordinariu ne’ebe mak sei halao iha tinan oin, komisaun sira nia servisu mak hanesan, sei prepara kriterius sira ba prezidente no nia membru sira,” dehan Osorio Florindo ba Jornalista sira iha edifisiu FFTL Dili, Tersa (10/10/2017).

Relasiona ho kongresu ne’ebe mak halo iha tinan oin sei loke ba ema Timor hotu ne’ebe mak iha interese atu kompete ba sai hanesan lideransa hodi lidera FFTL durante tinan 5, maibe kriteriu husi kandidatura sira tenke iha koinesimentu kona ba futebol.

Nia esplika, ema ne’ebe iha direitu partisipa iha kongresu ordinariu ne’e tenke mai husi assosiasaun ne’ebe mak durante ne’e estabelese ona iha munisipiu 13 hanesan Dili 2 no munisipiu 12 seluk 15.

Antes ne’e, prezidente FFTL lidera husi Francisco Kalbuadi Lay, maibe relasiona ho servisu ne’ebe barak, kargu hanesan Prezidente substitui fali ba Vise prezidente Osorio Florindo hodi lidera hela instituisaun ne’e.

Maibe agora daudaun Osorio Florindo hetan ona fiar husi partidu FRETILIN ne’ebe manan iha eleisaun parlamentar 2017, ne’ebe Primeiru Ministru lidera husi Mari Alkatiri hili nia sai hanesan Sekretasriu estadu Desportu Altu Kompetisaun (SEDAK).

“Se hau avansa hodi kandidata an iha kongresu ne’ebe mak halo sei laiha inkonpatibilidade ba kargu Prezidente FFTL ho kargu SEDAK. Mas kuandu assosiasaun ruma hakarak kandidata hau karik, hau pronto ne’e duni laiha problema iha mundu futebol nian,” dehan Osorio.

Editóra: Agida DOS SANTOS I COPYRIGHT © THETIMORNEWS 2017

LEAVE A REPLY

Please enter your comment!
Please enter your name here