Home nasional Dalan Laiha ba BOP Forma VIII Governo

Dalan Laiha ba BOP Forma VIII Governo

71
0
SHARE
Deputadu Francisco Miranda Branco. Photo Google.

By: Hortencio SANCHES

THETIMOR-NEWS.com, DILI – Xefe bankada FRETILIN Francisco Miranda Branco hatete, laiha dalan ba Bloku Opozisaun Parlamentar (BOP) ne’ebe hari husi partidu tolu (3) CNRT, PLP no KHUNTO atu forma VIII Governo Konstitusional bainhira VII Governo monu iha dalan klaran.

“Prosessu hotu agora lao tiha ona, bainhira Prezidente Republika (PR) Francisco Guterres Lu-Olo nomeia Primeiro Ministro, PR mos bolu ona partidu sira hotu atu pronunsia maibe iha momentu ne’eba laiha ida mak kontesta, laiha ida dehan ami iha alternativu. Tanba ne’e prosesu sira lao hotu ona, entaun se gov

ernu ne’e monu  ita ba eleisaun antisipada ida ne’e mak konstituisaun haruka,” dehan Francisco Branco ba Jornalista sira  iha edifisiu PN Segunda (09/10/2017).

Maski nune’e FRETILIN konfia an nafatin tanba politika la koalia ba numerous, maibe koalia ba intrese povu no nasaun nian.

Laiha Impaktu ba BOP

deputadu bankada CNRT Arao Noe. Photo: Google

Iha fatin hanesan, Xefe bankada CNRT  Arão Noe esplika laiha impaktu ba BOP atu forma VIII Governo no karta ne’ebe sira haruka ba PR hatete klareu ona tuir konstituisaun, bainhira VII Governu monu iha dalan klaran,sira pronto avansa hodi kaer governu.

“Hau hanoin ba ida ne’e seidauk tarde ida tanba iha tempu limite ida, karta ne’e hatete iha ne’eba klaru tradusaun tetun mos iha ne’eba ba ita nia maluk sira ne’ebe mak la hatene lian Portuges karik bele hatene oinsa intensaun husi BOP nian ba formasaun Governo nian,” dehan deputadu Arão.

Nia esplika razaun husi forma BOP tanba hare ba VII Governo konstitusional ne’ebe forma ho minoritaria tebes nune’e, sira nia prezensa atu prepara bainhira governu ne’ebe lidera husi PM Mari Alkatiri monu sira bele avansa kedan hodi lable mosu eleisaun antidsddipada.

“Ita hare parte ami opozisaun kadeira hamutuk 35, kadeira ne’ebe kaer Governu hamutuk 30 deit, atu garante Governu ne’e ba to tinan 5 ne’e tenke iha opozisaun nia apoiu  se laiha apoiu mak buat hotu sei la liu, ida ne’e ma kami hot-hotu nia preokupasaun Governu ida ne’e bele lori dilematis estadu nian ba oin oinsa, ne’e ma kami prepara hela hodi haruka kart aba PR kuandu Governu ne’e labele ami opozisaun pronto kaer Governu,” dehan Arão.

Editóra: Agida DOS SANTOS I COPYRIGHT © THETIMORNEWS 2017

LEAVE A REPLY

Please enter your comment!
Please enter your name here