Home ekonomia Ministru Estanislau Esklarese Kazu Hong Long Iha PN

Ministru Estanislau Esklarese Kazu Hong Long Iha PN

496
0
SHARE
Ministro Estadu no Ministru Agrikultura Peska, Estanislau da Silva Photo: Google

By: Hortencio SANCHES

THETIMOR-NEWS.com, DILI – Ministru Estadu no Ministru Agrikultura Peska (MEMAP) Estanislau Da Silva halo esklaresimentu iha uma fukun Parlamentu Nasional (PN) kona ba dezisaun ne’ebe nia foti ba Kompania Hong Long hodi halo peska ikan Tubaraun iha tasi Timor.

Ministru Estanislau afirma, dezisaun ne’ebe nia foti ba kompania ho laran mos tanba nia laiha hanoin ka intensaun ruma ne’ebe mak ladiak no nia la hakfodak ho manobra politiku ne’ebe oras ne’e espalla makas iha publiku.

“Laiha buat ida mak hau atu subar, ne’e duni hau la tauk buat ida, servisu ne’ebe mak durante ne’e hau halo ba rai ida ne’e, ho laran mos hori uluk hori wain,” dehan Estanislau da Silva iha Plenaria Kinta, (05/10/2017).

Tuir nia kona ba kazu Hong Long ema barak mak hakarak halo manobra politika tun sae hodi hamonu VII Governo Konstitusional. Tanba ne’e nia dehan “la hetan Boy.”

Maibe durante ne’e, Polisia Nasional Timor – Leste (PNTL) liu husi Servisu Investigasaun Kriminal (PSIK) halo ona indentifikasaun ba ikan Tubaraun protezidu ne’ebe, kaer husi Kompania Hong Long hamutuk 225,5 tonelada ne’ebe durante ne’e halo peska iha tasi Timor.

Ró ne’ebe Kompania Hong Long uja hodi halo operasaun iha Tasi Timor ne’ebe oras ne’e daudaun PNTL prende hamutuk 15 no agora daudaun ró hirak ne’e para hela iha tasi laran area Dili nian hodi hein atu submete ba prosesu investigasaun.

Antes ne’e mos informasaun espalla barak iha media sosial liu-liu Facebook hodi publika katak Ministru Estanislau mak fo lissensa ba Kompainia Hong Long ho ró hamutuk 15 hodi halo atividade kaer ikan Tubraun iha tasi Timor.

Relasiona ho informasaun ne’ebe fo sai husi media social katak, ministru Estanislau nia oan mane involve iha kompania.

Iha Plenaria PN Estanislau hatn, nia oan mesak ema profisional hotu no sira rasik lakoi atu servisu ba estadu no sira halo sira nia servisu iha rai liur.

Editóra: Agida DOS SANTOS I COPYRIGHT © THETIMORNEWS 2017

LEAVE A REPLY

Please enter your comment!
Please enter your name here