Home dezenvolvimentu PR Lu Olo: Hadia Povu Nia Moris Laos ho Politika Tun Sa’e

PR Lu Olo: Hadia Povu Nia Moris Laos ho Politika Tun Sa’e

1438
0
SHARE
PR Lu Olo hato'o hela deskursu hafoin fo posse ba membru govenru foun nain 21 iha Palsiu Prezidensial Aitarak Laran Dili. Photo: Media PR

By: Fidelio RAMOS

THETIMOR-NEWS.com, DILI – Hare’e ba rezultadu Eleisaun Parlamentar 22 Jullu ne’ebe povu fo ona fiar ba partidu oi-oin, Prezidenti Republika (PR) Francisco Guterres Lu Olo husu ba hot-hotu atu servisu hamutuk hodi hadia povu nia moris.

Lider Partidu CNRT, Hermengildo Pereira halo hela juramentu ba kargu foun ne’ebe nia simu hosi governasaun FRETILIN-PD ba kargu Ministru Adjuntu Primeiru Ministru no Delimitasaun Fronteira. Photo: Media PR

PR Lu Olo iha nia diskursu ba seremonia posse membru governu foun iha VII Governu Konstitusional hateten, sidadaun sira, liuhosi eleisaun lejislativa, fó sira-nia fiar ba partidu oin-oin. Sidadaun sira-nia desizaun ida ne’e hasa’e responsabilidade ba órgauns soberania no ba aparellu Estadu tomak atu hamutuk, bele buka-hetan rezultadu sira ne’ebé povu hein hela.

“La’os ho polítika tun-sae mak ita bele hadi’a povu ninia moris. Ita hadi’a ho servisu, ho hotu-hotu ninia partisipasaun no dedikasaun,” dehan PR Lu Olo, Tersa (03/10/2017), iha Palasiu Prezidensial Aitarak Laran, Bairo Pite, Dili.

Tamba ne’e aaís hein governasaun di’ak, tenke hatene uza Timor nia riku-soin no nia ema. Povu hein governu atu implementa polítika dezenvolvimentu la‘ós de’it ba hamenus kiak maibé atu sidadaun hotu-hotu bele moris di’ak liu.

“Ita la’ós mehi de’it ho objetivu sira ne’e. Ita bele hetan objetivu sira ne’e. País presiza ema hotu-hotu atu hetan buat sira ne’e. Ita labele hasees ema ida. Sétimu governu hatudu katak líder sira, setór sosiál polítiku oin-oin no sidadaun sira, ho kbiit rasik, iha vontade no bele fó sira-nia tempu. Vontade sira ne’e hotu fó benefísiu ba ita-nia país. Haforsa Timor-Leste ninia kapasidade atu hatudu katak ita bele. Ita bele hetan susesu, ita bele servisu hamutuk ba hotu-hotu ninia moris di’ak,” dehan xefi estadu ne’e.

Lider hosi Partidu Libertasaun Popular (PLP) Jose Neves Samalarua ne’ebe hili dalan tama hamutuk iha governasaun PM Alkatiri maski hetan bandu hosi nia partidu. Iha kargu ne’e Samalarua nudar Vise Ministru Edukasaun no Kultura Photo: Media PR

Nu’udar Prezidente no nu’udar sidadaun, PR Lu Olo kontinua dehan hanesan mós horiuluk, bele konta ho nia tamba nia sei fó-an tomak, iha nia mandatu tomak, atu servisu ho ema hotu-hotu no sei kontribui ba órgaun soberania sira atu fó liman ba malu, no atu garante partisipasaun hotu-hotu nian, mane ka feto.

Photo: Media PR

Tamba iha VII Governu ne’e, kompromete-an atu servisu ho Primeiru-Ministru no membrus Governu, atu ajuda hamenus diferensa oportunidade entre mane no feto, iha knaar sira ho responsabilidade aas liu, iha departamentu oin-oin Estadu nian.

“Ha’u no Primeiru-Ministru la haluha katak atu dezenvolve ita-nia país, ita presiza promove feto sira, ita presiza feto sira-nia partisipasun. Ida ne’e objetivu estratéjiku ida ba ita-nia dezenvolvimentu nasionál. Nune’e, kooperasaun entre órgauns soberania importante tebes no bele hamosu rezultadu di’ak liu. Ida ne’e mak ha’u sei buka halo atu valoriza feto sira iha ita-nia sosiedade, hamutuk ho governu maibé tuir ha’u nia kompeténsia rasik, nu’udar Xefe Estadu,” dehan PR Lu Olo.

Editór: Evangelisto MEILANA I COPYRIGHT © THETIMORNEWS 2017

LEAVE A REPLY

Please enter your comment!
Please enter your name here