Home nasional CNRT La Autoriza Nia Kuadru Involve Iha VII Governu

CNRT La Autoriza Nia Kuadru Involve Iha VII Governu

8360
0
SHARE
Kuadrus Partidu CNRT halo hela konferensia Imprensa hodi deklara no la fo autorizasaun ba membru kuadrus CNRT ida involve iha VII Governu Konstitusional. Photo: TTN/Hortencio Sanches

By: Hortencio SANCHES

THETIMOR-NEWS.com, DILI – Partido Congresso Nacional Reconstrução de Timor – Leste (CNRT) la autoriza nia membru partidu involve iha VII Governo Konstitusional.

Partidu CNRT hasai ona samada ba nia kuadrus Partidu CNRT hodi la involve iha VII Governu ne’ebe lidera hosi PM Mari Alkatiri, tamba pozisaun artidu CNRT firmi nafatin iha opozisaun. Photo: TTN/Hortencio Sanches

“Bazeia ba rezultadu konferensia nasional, liu husi rezolusaun No. I/Res /P- CNRT/ VIII/2017 hodi foti desizaun ba partidu nudar opozisaun, relasiona ho pontus primeiru, CNRT la autoriza nia kuadrus no militantes atu partisipa ou integra iha VII Governo. Tanba ne’e militante no membrus deside hodi involve iha VII Governo, nia la reprezenta partidu no signifika rezigna an ona husi Partidu CNRT,” dehan Segundu Vise Prezidente CNRT, Virgilio Smith “Kranik” iha konferensia imprensa ne’ebe halao iha Sede Nasional P-CNRT, iha Bairo dos Grillos, Sabadu (30/09/2017).

Membru kuadrus partidu ne’ebe CNRT kestiona ne’e mak Hermegildo Pereira ne’ebe sei asumi kargu Ministru Adjuntu Primeiru Ministru no Ministru Presidensia Konsellu Ministru.

“Agio Pereira, antes ne’e mai ona iha sede hodi hasoru malu ho Sekretariu Jeral maibe, Sekretariu Jeral firme nafatin hodi mantein pozisaun katak opozisaun nafatin,” dehan Virgilio Smith.

Antes ne’e, Partidu FRETILIN konvida ona P-CNRT hodi involve iha VII Govenru Konstitusional, maibe partidu nia pozisaun firmi nafatin ba opozisaun.

Maski Partidu FRETILIN kontinua kontaktu Kay Rala Xanana Gusmão hodi autoriza nia membru iha partidu CNRT involve iha governu, Virgilio Smith esplika katak, iha konferensia nasional partidu nian Kay Rala Xanana Gusmão maski antes ne’e husu rezignasaun hodi nia kargu nudar prezidneti partidu, maibe rezultadu ikus konferensia kontinua fo konfiansa ba nia atu asumi kargu prezidenti partidu, maibe hasai tiha nia power hodi labele hola dezisaun mesak no tenki liu hosi dezisaun kolektivu nian.

Alende Hermenegildo Pereira, hosi informasau ne’ebe espailla, PM Alkatiri mos konvida Dionisio Babo Soares ho Helder Lopes atu involve iha nia governasaun, maibe ikus lider CNRT nain rua ne’e desidi kumpri nafatin dezisaun partidu CNRT nian ba opozisaun.

Virgilio Smith mos iha konferensia imprensa husu ba militante no kuadrus CNRT nian hotu atu tur hakmatek hodi mantein estabilidade no laika monu ba rumoris ne’ebe oras ne’e daudaun lao hela liu-liu iha media sosial sira.

Editóra: Agida DOS SANTOS I COPYRIGHT © THETIMORNEWS 2017

LEAVE A REPLY

Please enter your comment!
Please enter your name here