Home desportu Copa 12 Novembru, SCT Tebe Sai Assalam

Copa 12 Novembru, SCT Tebe Sai Assalam

306
0
SHARE

By: Fidelio RAMOS

THETIMOR-NEWS.com, DILI – Runner Up Copa 12 Novembru epoka 2016, FC. Assalam iha nia jogu ba kompetisaun Cop 12 Novembru 2017, sai sedu deit, hafoin lakon 1-3 ho klubu segunda divisaun Liga Futebol Amadora (LFA).

Jogu ne’ebe halao iha kampu futebol FFTL, Sabadu (29/09/2017) halo duni FC. Assalam ne’ebe promosaun ba primeira divisaun LFA ba epoka 2017-2018 ne’e la fiar katak SCT ne’ebe durante epoka 2015 no 2016 joga ladun diak, bele lakon hosi klubu antigu Kapital Dili nian ne’ebe hari’i iha tempu kolonial Portugues.

Golu SCT produs husi jogador Lexi Baresi iha minutu 41, Jaime Matos (minutu 82′), no Domingos Pires iha tempu injury time (minutu 90+2). Golu husi FC. Assalam marka husi jogador João Soares iha minutu 60.

Prezidente FC. Assalam Ipolito Soares hatete, sira lakon tanba preparasaun sira nian durante ne’e la sufisiente no jogador mos la kompletu.

“Ami iha preparasaun minimu,  tanba  nia rezultadu mak hansa ne’e ona tenki simu no hau nia jogador estranjeiru balu iha Chile no Indonesia hela, mais kuandu jogu liga tuir mai hau sei bele bolu ona sira mai fali,” dehan Ipolito Soares ba Jornalista sira hafoin joga remata.

Treinador SCT, João Fernandes rekunese katak vitoria ne’ebe nia ekipa hetan tamba sorte liu, maski sira laiha preparasaun diak.

“Rezultadu ne’e ita presiza hatene mak nia prosesu oinsa mak manan no lakon, tuir hau nia hare jogu ne’e laiha treinu ne’ebe diak ami manan ne’e tanba rata-rata kolen,” dehan João.

Ho vitoria ne’e, SCT sei hasoru AS. Ponta Leste ne’ebe iha jogu abertura Sexta (28/09/2017) orseik manan boot 8-3 kontra Porto Taibessi. Jogu SCT versus AS. Ponta Leste ne’e sei halao Kuarta (03/09/2017).

Hare’e nia adversariu iha jogu tuir mai, SCT sei la hakfodak ho nia adversariu maski mai hosi klubu primeira divisaun.

“Vota fora ami sempre lakon hela deit tanba ne’e ami rekunese Ponta Leste ekipa ida ne’ebe bo’ot, maibe pisokolojikamemte ami la hakfodak sira ami sei hadia diak tan ami nia ekipa se lakon karik lakon mos ho dignidade,” Haktuir João.

Editór: Evangelisto SANTOS I  COPYRIGHT © THETIMOR-NEWS 2017

LEAVE A REPLY

Please enter your comment!
Please enter your name here