Home Uncategorized Rejeita Kargu Ministru Turismu, Azevedo Hili Nafatin ho PLP

Rejeita Kargu Ministru Turismu, Azevedo Hili Nafatin ho PLP

210
0
SHARE
Azevedo Marcal

By: Hortencio SANCHES

THETIMOR-NEWS.com, DILI – Azevedo Marcal foti ona desijaun hodi rejeita no kumpri karta konvite ne’ebe haruka husi Partidu mais votadu FRETILIN hodi assume kargu hanesan Ministru Turismo no nia deside hodi hili nafatin hamutuk ho nia Partidu PLP.

“Komunikadu Imprensa ne’e halo ho objetivu atu (1) klarifika informasaun espalla iha teritoriu tomak konaba hau nia partisipasaun iha Governu, (2) agradese familia no kolegas ba sira nia apoiu, (3) klarifika hau nia pozisaun konaba konvite, (4) hato’o hau nia apoiu ba Governu,” lia hirak ne’e hato husi Azevedo Marcal liu husi karta komunikadu Imprensa Kinta (28/09/2017).

Alende ne’e, nia husu obrigadu no agradese ba Governu Timor – Leste tanba bele fo ona konfiansa ba nia hodi assume pasta hanesan Ministru Turismu ne’e ba nia hanesan privileju ba nia atu kontribui ba dezenvolvimentu.

“Uluk nana’in, hakarak kongratula Governu Timor-Leste. Hakarak mos atu konfirma katak hau simu konvite verbal ida atu hola parte iha VII Governu hanesan ema independente ba kargu Ministru Turizmu. Hau pesoalmente konsidera konfiansa ne’e hanesan previlejiu bo’ot ida hau atu kontribui ba dezenvolvimentu turizmu hanesan setor ida importante ne’ebé sei sai industria alternativa hodi bele redus dependensia excesiva ba setor petroleum,” dehan Azevedo liu husi karta komunikadu.

Nune’e liu husi oportunidade ida ne’e, nia hakarak  hato’o ofisialmente nia pozisaun ba publiku tanba nia mai husi PLP no hanesan mos fundador hakarak atu kontribui ba prosesu dezenvolvimentu Timor – Leste nian tomak no nia sei mantein ba konfiansa husi lider bo’ot PLP Taur Matan Ruak.

“Hau nia pozisaun ba publiku katak partidu PLP foti ona pozisaun hanesan Opozisaun iha Parlamentu Nasional, tanba ne’e, hanesan fundador no lider ida iha partidu, no ho respeitu no agradese tomak ba konvite, hau deside ona atu tau konsiderasaun aas ba interese povu liu hosi mekanizmu partidu politika atu tane nafatin prosesu edukasaun politika no sei kontinua mantein ba prinsipiu no konfiansa ba Lideransa PLP Taur Matan Ruak,” dehan nia.

Editóra: Agida DOS SANTOS I COPYRIGHT © THETIMORNEWS2017

LEAVE A REPLY

Please enter your comment!
Please enter your name here