Home nasional Melio de Jesus Kestiona Karta Resposta Hosi PR Lu-Olo

Melio de Jesus Kestiona Karta Resposta Hosi PR Lu-Olo

6558
0
SHARE
Melio de Jesus hatudu hela karta resposta husi PR Lu-Olo ba nia karta somasaun ne'ebe nia hatam iha semana hirak liu ba. Photo: TTN/Hortencio Sanches

By: Hortencio SANCHES

THETIMOR-NWS.com, DILI – Sidadaun Timoroan Melio de Jesus kestiona karta resposta husi Prezidente Repulika Francisco Guterres Lu-Olo ba nia karta somasaun ne’ebe nia hatam iha semana hirak liu ba kona ba tomada posse ne’ebe PR fo ba VII Governo, konsidera inkonstitusional.

Melio afirma, karta ne’ebe hato’o husi PR bele hatete katak ilegal tanba iha karta refere laos prezidente mak koalia.

“Hau bele hatete katak kartaun ida ne’e laiha rajaun legal ida tanba iha assinatura ne’e laos PR mak assina maibe nia sekretaria ezekutivu mak asina, no iha karta ne’e nia laran mos la koalia reprejenta dehan PR mak koalia ne’e duni bah au karta ne’e illegal,” dehan Melio ba Jornalista sira iha, konferensia imprensa ne’ebe halao iha, Hotel Timor Dili, Sesta (29/09/2017).

Nia afirma, bainhira PR la fo resposta ba karta ne’e nia bele fo delegasaun mandatu ba advogadu ruma iha nia gabinete hodi halo resposta hodi reprejenta.

“Hau hakarak hatete, se prezidente mak la responde hau nia karta ne’e, nia bele delega nia mandatu ba nia advogadu ruma iha nia gabinete maibe redaksional husi karta ne’e tenke esplika klaru katak ema ne’ebe asina ne’e reprezenta prezidente para hato mai hau,” dehan Melio.

Karta resposta ne’e asina husi Filomena de Almeida hanesan Sekretaria Ezekutivu PR. Tanba ne’e Sai duvida bo’ot ba Melio de Jesus hodi kompriende kona ba karta refere.

“Hau hakarak husu Sr. Filomena de Almeida nia kapasidade iha karta ne’e ba saida? Hanesan reprejenta PR ka ba saida, tan ne’e mak hau sei kestiona ba buat ida ne’e,” dehan Melio.

Tuir nia, era husi karta ne’ebe fo husi PR, laos atu responde ba karta ne’ebe mak semana hirak liu ba  hatama ba PR.

“Neduni hau la simu, tanba hau hatama karta ne’e para PR resposta laos fali Sr. Filomena mak responde fali,” Melio la menta.

Relasiona ho karta resposta husi PR hodi hatan ba somasaun ne’ebe sidadaun Melio de Jesus hat konsidera ilegal, Jornalista sira tenta atu konfirma ho Sekretaria Ezekutivu Filomena de Almeida maibe laiha fatin.

Tanba ne’e, gabinete PR fo resposta deit husi media officer katak, karta ne’ebe mak fob a  sidadaun Melio mak PRLu-Olo nia resposta.

Maibe jornalista sira koko nafatin atu hasoru direitamente ho Filomena de Almeida maibe funsionariu sira iha ne’eba hatete labele ho nune’e Jornalista sira fila deit iha fatin media PR nian.

Editóra: Agida DOS SANTOS I COPYRIGHT © THETIMORNEWS2017

LEAVE A REPLY

Please enter your comment!
Please enter your name here