Home nasional La Intrega Kareta Parlamentu, Eis Deputadu Falta Moral

La Intrega Kareta Parlamentu, Eis Deputadu Falta Moral

1100
0
SHARE

By: Fidelio RAMOS

THETIMOR-NEWS.com, Dili – Movimentu Estudante Universitariu Timor – Leste (MUTL) konsidera deputadu III lejislatura laiha moral no etika tanba utilija kareta estadu nian hanesan sira nia kusta, tanba realidade hatudu momos katak deputadu hirak ne’e barak mak seidauk intrega kareta hirak ne’e no at  liu tan troka ona xapa matrikula sai hanesan kareta  privadu.

MUTL  hato’o lia hirak  ne’e iha konferensia imprensa ne’ebe hala’o iha edifisiu, Kampus Universidade Dili (UNDIL), Sexta (29/09/2017) bazeia ba asaun no demostrasaun ne’ebe mak durante fulan hirak liu ba sira halo hasoru bankada 4 iha lejislatura datolu. Relasiona ho kareta Prado hirak ne’ebe mak deputadu sira halo lelaun ba sira nia an rasik ho folin  ne’ebe ki’ik.

“Aktu ida ne’e hatudu katak eis membru parlamentu hirak ne’e, abuzo de poder,” dehan porta voz Jones Chege.

Antes ne’e eis Prezidente PN Aderitu Hugu daCosta ho membru bankada sira iha PN halo ona deklarasaun hodi halo suspensaun ba aliniasaun ba kareta hirak ne’e, no bankada 4 ne’ebe iha III lejislatura mos konkorda ona hodi intrega kareta hirak ne’e ba patrimoniu estadu.

Hare ba realidade hatudu katak  eis deputadu barak mak seidauk kimpri deklarasaun ne’ebe fo sai ona. Tanba ne’e, MUTL kontinua ijiji nafatin ba PN IV lejislatura atu foti lalais medida ne’ebe forte no rigor hasoru eis membru ne’ebe ignora no kontra desizaun povu nian liu husi Prezidenti PN iha Fulan kootuk.

MUTL husu mo ba Polisia Nasional Timor – Leste (PNTL) atu foti lalais kareta hirak ne’e, husi eis membru parlamentu Terseiru Lejislatura.

Alende ne’e, sira mos husu mos ba lider partidu politiku husi FRETILIN,CNRT,PD, no Frente Mudanca hodi ijiji   ba nia membru sira atu nune’e bele intrega hikas kareta Prado estadu nian ne’ebe durante sira nia mandate uja, tan kareta hirak ne’e povu nian.

“Ami husu ba lider partidu tenke ijiji ba nia membru sira hodi intrega hikas kareta PN ne’ebe durante ne’e sira uja, atu nune’e membru IV lejislatura hodi hasai ona rezolusaun ba eis deputadu husi III lejislatura ne’ebe mak to oras ne’e sei mantein nafatin hakarak lelaun ba kareta Prado hirak ne’e, dehan Chege.

Nia hatutan, kuandu iha tempu badak nia laran membru deputadu III lejislatura  hirak ne’e la responde ba sira nia ejijensia mak sira sei halo asaun.

Editóra: Hortencio SANCHES I COPYRIGHT © THETIMORNEWS2017

LEAVE A REPLY

Please enter your comment!
Please enter your name here