Home nasional Outobru, Lere Nia Madatu Remata

Outobru, Lere Nia Madatu Remata

111
0
SHARE
Maijor General Lere Anan Timur. Photo: google.com

By: Fidelio RAMOS

THETIMOR-NEWS.com, DILI – Kargu numeru ida iha instituisaun defeza, FALINTIL – Forsa Defeza Timor-Leste (F-FDTL) ne’ebe dadauk ne’e asumi hela hosi Maijor Jeneral Lere Anan Timur, sei remata iha Outubru 2017.

Ho mandate ne’ebe remata, jeneral ho fitun rua ne’e, sei entrega nia kargu ba ema seluk ne’ebe kontinua lidera F-FDTL ba futuru ne’ebe diak.

Tamba ne’e, nia husik mensajem, liliu ba jerasaun foun iha instituisaun defeza ne’e atu preparan an makas no hakribi mentalidade ne’ebe at atu nune’e bele lori nasaun ne’e ba oin.

“Jovem sira prepara an, hametin nasionalizmu, patriotizmu, lori nasaun ne’e ba oin tanba ami sira katuas ne’e ami nia mandatu tinan lima remata ona,” dehan Lere Anan Timur ba Jornalista sira iha Palasiu Prezidensial hafoin remata sorumutu ho PR Francisco Guterres Lu-Olo iha Palasiu Prezidensial Bairu-Pite Aitarak-Laran Dili, (27/09/2017).

Lere hatutan,  tinan 5 hanesan oportunidade ikus ba ona jovem sira  atu kaer kuda talin tanba Timor nia futuru iha jerasaun foun nia liman.

“Hau prontu fo suporta nafatin ba jeraun foun tanba ne’e importante mak tenki hakribi ona buat ne’ebe ladiak,” dehan jeneral ne’e.

Antes asumi hosi Lere Anan Timur, kargu numeru ida iha F-FDTL ne’e asumi hosi Maijor Jeneral Taur Matan Ruak. Taur Matan Ruak tenki husik F-FDTL wainhira avansa ba nia kandidatura prezidenti republika periodu 2012-2017, ne’ebe iha nia rezultadu, eis gerilleiru ne’e eleitu ba prezidenti republika.

Editór: Hortencio SANCHES I THETIMORNEWS © COPYRIGHT 2017

LEAVE A REPLY

Please enter your comment!
Please enter your name here