Home nasional Konsidera Dekretu PR Lu-Olo Kontra Konstituisaun, Melio de Jesus Hatama Karta Petisaun...

Konsidera Dekretu PR Lu-Olo Kontra Konstituisaun, Melio de Jesus Hatama Karta Petisaun ba PN

4348
0
SHARE
Jurista Melio de Jesus. Photo: TTN/Hortencio Sanches

By: Hortencio SANCHES

THETIMOR-NEWS.com, DILI – Melio de Jesus ne’ebe iha semana kotuk liu ba halo supreza publiku ba nia asaun hodi halo somasaun (somasi) ba Prezidenti Republika (PR), Francisco Guterres Lu-Olo tamba konsidera dezisaun ne’ebe nia halo iha dekretu prezidensial hodi hili Dr. Mari Alkatiri ba primeiru ministru kontra konstituisaun, kontinua nia “luta” ba Parlamentu Nasional (PN) hodi husu ba orgaun soberanu ne’ebe reprezenta povu ne’e atu hare’e hikas dekretu prezidenti.

Karta petisaun ne’e Melio de Jesus hato’o ba Prezidenti PN, Aniceto Guterres hodi husu ba Komisaun A hare’e hikas dekretu presidenti numeru 57 ho 59 ne’ebe tuir nian persiza hare’e didiak nia kontiudu.

Karta petisaun ne’e hanesan kontinuasaun ne’ebe iha semana hirak liu ba Jurista ne’e hatama ona ba PR Lu-Olo.

“Ohin hau mai iha uma fukun PN atu intrega hau nia karta petisaun de pedidu ba Prezidente PN no komisaus sira, hanesan kontinuasaun deit hau nia somasaun ne’ebe dirante ne’e hau hatama ba ita nia PR,” dehan Melio ba Jornalista sira iha edifisiu PN, Tersa (27/09/2017).

Ho karta ne’ebe mak Jurista ne’e hatama ba PN nia fiar katak, PN sira sei tau konsiderasaun tuir artigu 92 konstituisaun RDTL.

“Karta ne’e nia kontiudu mak, hau halo petisaun de pedidu ba fiskalizasaun apatratu konstituisaun nian para atu husu deklarasaun, inkonstitusionalidade tuir artigu 150 konstituisaun RDTL ne’ebe fo kompetensia ba orgaun soberania sira ne’ebe iha poder lori kompetensia para atu halo fiakalizasaun apatratu konaba dekretu PR no 57 ba nomeasaun Primeiru Ministru Mari Alkatiri,” dehan Melio.

Editóra: Agida DOS SANTOS I THETIMORNEWS © COPYRIGHT 2017

LEAVE A REPLY

Please enter your comment!
Please enter your name here