By: Fidelio RAMOS
THRTIMOR-NEWS.com, DILI- Sekretariu Jeral (Sekjer) Organizaun Nasoens Unidas (ONU) Anotinio Guterres tempu besik sei bolu Prezidenti Republika (PR) no Premiadu Nobel da Paz José Ramos Horta sai hanesan konseleiru espesial ida hodi halo mediasaun konaba konflitus iha mundu.
Eis Prezidente Republika ne’e esplika, iha mediasaun ne’e laos nia mesak mak reprezenta maibe hamutuk ema 15, maka sei partisipa.
“Sekretariu jeral ONU konvida hau, tanba hakarak atu hau hola parte ba iha konseileiru espesial hodi hare ajenda iha tinan ne’e nian no nomeia ami 15 sei foin publika semana ida liu ba hodi reprezenta iha mundu,” dehan Horta ba Jornalista sira hafoin remata sorumutu ho PR Francisco Guterres Lu-Olo iha Palasiu Prezidensial Bairu-Pite Aitarak-Laran Dili, Segunda (25/09/2017).
Tuir orariu Ramos Horta sei aranka ba iha Nova Yorke 6 de Outobru Tinan ne’e maibe sei preokpa hela ho servisu todan tolu mak nia sei assume hanesan, apoiu servisu Primeiru Ministru (PM) Mari Alkatiri atu hare sektor seguransa nasional hodi fo konselu verbais.
“Ohin hau mos hasoru xefe governu tanba hau laos ministeriu ketak husi VII Governu Konstitusional ne’e duni hau sei hare ajenda governu nian ba buat ne’ebe ministru fo diretivas iha instrusaun ba hau,” dehan Ramos Horta.
Rajaun husi Sekjer ONU konvida Lauriadu Nobel da Paz ne’e, hare husi nia prejensa iha inkontru altu nivel ne’ebe nia reprejenta PR Lu-Olo nia fatin hodi partisipa konsege hatudu pozitivu Timor –Leste nian barak ba komunidade Internasional sira.
“Sira rona ita nia situsaun pozitivu tebes sira kontenti los tanba ita durante iha eleisaun to’o iha formasaun governu laiha problema,” Horta Informa.
Ho pozitivu hirak ne’e lori ona Timor – Leste nia naran morin iha mundu. Tanba ne’e, husu ba povu Timor –Leste atu kria paz no unidade ba malu nune’e labele mosu konflitus.
Editór: Hortencio SANCHES I THETIMORNEWS © COPYRIGHT2017
